Nikabat sa 19 ka mga gradwado gikan sa lima ka mga unibersidad ug kolehiyo nga nagbase sa Sugbo ang nanguna sa labing ulahing Nursing Licensure Examinations (NLE) niadtong Nobiyembre 12, ug Nobiyembre 13, 2022.

Sila si Adrian Miguel Amil ug Antonette Feliz Calimot sa Cebu Normal University (CNU) parehong naa sa ikatulong dapit nga adunay rating nga 89.60 porsiyento.

Mga kaubang gradwado sa CNU nga sila si Drocas Milcah Albores ug Kathleen Ry Flores; si Lizalyn Joy Angeles Julio sa Cebu Institute of Technology University ug Shania Antipuesto Omega sa University of Cebu (UC) nahimutang sa ikaupat sa mga pasulit.

Sila si Rochine Claire Vano Cagasan ug Maraiah Cabahug sa Cebu Doctors University (CDU) parehong nahimutang sa ikalima samtang, si Cayci Ronneth Cabillon Requiroso sa CNU nahimutang sa ikapito.

Si Phoebe Joy Menguito Dingcong sa Cebu City Medical Center (CCMC) College of Nursing, Ryale Ellaine Barcenas Esmero sa CNU, John Lloy Dayanan Genelsa sa CDU, Jann Louie Chua Hu Lamban sa UC, ug Karylle Nicole Veloso Teo sa CDU sa ikawalong dapit.

Sila si Carmela Ysatam Bihag sa CCMC, Catherine Joy Solano Chua ug Benz Jim Timbal Gragasin sa CDU ug Kathleen Bucsit Labadan ug Eloisa Mae Abarquez Rabanes sa CNU nakakuha sa ika-10 nga puwesto.

Sa pamahayag sa Professional Regulations Commission (PRC), sa 24,903 ka mga examinees nga ningkuha sa mga pasulit, 18,529 o 74.40 porsiyento ang nakapasar.

Bahin sa performance atol sa Nobiyembre 2022 NLE, tulo ka mga tunghaan sa Sugbo nga mao ang CDU, Velez College ug CNU, nakakuha og 100 porsiyento nga passing percentage. (JKV)