Nangayo og pasaylo si Mexican boxing superstar Saul “Canelo” Alvarez ngadto kang Argentine football superstar Lionel Messi.
Kini tungod sa sayop nga interpretasyon ni Alvarez sa nakita niya sa social media video nga naa sa sawog ang usa ka Mexican jersey nga daw gisikaran ni Messi dihang nagsaulog ang Argentina team sa ilang locker room sa ilang 2-0 nga kadaugan batok sa Mexico sa World Cup ning bag-uhay lang.
“He had better ask God that I don’t find him!!” bahad pa ni Alvarez kang Messi nga napatik sa www.worldboxingnews.com.
Apan gibakwi kini ni Alvarez human niya nasuta ang tiunay nga estorya sa video.