TULO ka mga giilang mga bayani sa Siyudad sa Tagum ang gipasidunggan sa lokal nga panggamhanan.

Ang tulo giila nga mao sila Joseph Lamanilao, Henry Loay ug ang Civil Security Unit (CSU) nga ginganlan og James Infiesto.

Gibutyag nga si Lamanilao kinsa usa ka food delivery driver kon diin ang nahimo niining kabayanihan mao ang pagluwas sa usa ka tawo nga misulay unta og ambak sa Tagum City flyover.

Samtang si Loay kinsa tricycle driver nakakita og bag nga dunay sulod nga kuwarta nga balor og P150,000.

Si Loay suma pa wa mahaylo sa kuwarta, inay iyang gipangitaan og paagi nga mabalik ngadto sa tag-iya ang maong salapi.

Samtang ang CSU nga si Infiesto, sama ni Loay, nakakita sab og bag nga dunay sulod nga kuwarta nga balor og P144,000 ug iya sab kining giuli sa hingtungdan.

Mapasigarbuhon ang lokal nga panggamhanan sa siyudad sa Tagum ubos sa pamunoan ni Mayor Rey T. Uy sa gipakitang talagsaong kaisog, pagkamatinud-anon ug kaligdong sa tulo hinungdan nga giila silang mga modernong bayani.