Kapin sa 24,000 ka mga drug personality ang nasikop ubos sa administrasyon ni Presidente Ferdinand ‘Bongbong’ Marcos Jr. nga nagpakita sa determinasyon niini nga mapadayon ang way puas nga gubat batok sa ilegal nga drugas apan mas nakatutok sa pagpaminos sa panginahanglan, matud pa sa Dept. of the Interior and Local Government (DILG).
Hinuon, giingon sa Human Rights Watch nga ang kampanya dili kaayo dugoon.
Mokabat sa 24,159 ka drug personalities ang nasikop gikan sa Hulyo 1 hangtod Nobiyembre 24, 2022, matud ni DILG Secretary Benjamin ‘Benhur’ Abalos Jr.
Sa samang panahon, mokabat sa P9.9 bilyunes nga balor sa ilegal nga drugas ang nasakmit sa mga operasyon sa drugas, lakip ang “990 kilograms of illegal drugs worth P6.7 billion in Tondo Manila, P408 million worth of shabu in Pampanga, and P173 million worth of shabu in Quezon City,” matud niya.
Ang bag-ong anti-illegal drug program ni PBBM usa ka multi-sectoral flagship program nga gitawag og “Buhay Ingatan, Droga’y Ayawan” o Bida.
Nagtutok kini sa “demand reduction and rehabilitation using a more intensified and holistic approach involving the national government agencies, local government units, and other key sectors down to the grassroots level within the framework of the law, with respect for human rights, complemented by socioeconomic development,” matud sa DILG.
Hinuon, giklaro ni Abalos nga walay hunong ang pagpangronda sa mga drug den ug mga operasyon batok sa mga tigpayuhot og drugas ug mga financier ubos sa Bida program.
Nanawagan siya sa tanang sektor sa katilingban nga makigtambayayong sa kagamhanan aron makontrolar ang mga sindikato sa drugas pinaagi sa pagtaho sa mga kadudahang kalihokan sa ilang mga dapit ngadto sa tukmang awtoridad.