Dear Noy Kulas,
Tagoa lang ko sa ngalan nga John. Mag 40 anyos na akong edad karon.
Wala gyud ko nakasuway kon unsay gugma sa laing tawo ba.
Wa ko makatilaw og gugma gugma sa babaye o uyab uyab ba.
Unsa kaha ning akong kasingkasing?
Dili ba kaha ni abnormal?
Nakabantay lang ko karon sa akong pangidaron nga maibog man hinuon ko og gwapo, labi na nga dako og lawas.
Tarong pa ba kaha ni, Noy, ang akong pangutok, este kasingkasing nga lalaki man kaayo ko og nawong?
Ang imong magtatampo,
JOHN
John,
Ambot kon tinuod bang ang pagkabayot karon naa sa atoang gipangkaon ug gipanggamit kada adlaw.
Naa mga kemikal kuno nga nasagol nga makaapekto sa atoang lawas.
Wa pa nay labot sa psychological nga aspeto, labina og pirmeng babaye ang imong kaatubang kada adlaw. Naa gyud nay influence sa imoha.
Suwayi pagpanguyab og babaye aron ka makatilaw kon unsa sab diay nang mahigugma ka og opposite sex.
Makasuway ka kon manginit ba ang imong lawas sa romansa, bisan lang gani sa kiss.
Kon manginit sa babaye, kanang imohang gibati karon, psychological lang.
Wa ka man gud makasuway og relasyon mao nang nakaingon kang naibog ka na og gwapo.
Or basin homosexual ka na daan sukad pa sa una apan imo lang gi-suppress ba kay nabalaka ka nga mahibaw-an.
Sama nianang uban nga closet gay. Lalaki kaayo sa lihok ug sinultihan pero mobawog ang mga kamot kon way nagtan-aw o wa diha ang mga kabanay ug kahigalaan.
Basta panguyab og babaye. Kon mo spark, di ka bayot.
If mo spark sa lalaki, di ka na angay nga mangutana pa.
NOY KULAS
rojval69@yahoo.com