Mokabat sa 44 ka milyon ka dosis sa mga bakuna sa coronavirus disease (Covid-19) sa nasud gikonsiderar karon nga nausik, base sa labing bag-ong numero gikan sa Department of Health (DOH).
Sa usa ka press conference, si Health Undersecretary Maria Rosario Vergeire niingon nga nisaka ang gidaghanon sa nausik nga bakuna gikan sa katapusang higayon nga ilang gi-report ngadto sa 31 milyunes.
“Our reports on (vaccine) wastage is progressive as our inventory is continuously happening,” matod ni Vergeire.
“Last week, we reported 31 million wastage. Now, it is already at 44 million based on our inventories,” siya nidugang.
Bisan pa sa pagdaghan, ang gidaghanon naa pa sa gitugot nga 25 hangtod 30 porsyento nga rate sa pag-usik nga gitakda sa World Health Organization.
“This 44 million is 17.5 percent out of all vaccines received by the country,” matod ni Vergeire.
Sa mga nausik nga bakuna, ang DOH miingon nga 24 ka milyon ang na-expire, samtang 3.8 ka milyon ang nadaot tungod sa natural nga kalamidad, temperature excursion, o pagkausab sa kolor.
Matud pa ni Vergeire nga gitino pa ang hinungdan sa pagkausik sa mga singko porsyento sa kinatibuk-an.
Namatikdan usab niya kon giunsa ang 75 porsiyento sa pag-usik sa bakuna naglambigit sa mga gipamalit sa pribadong sektor o mga yunit sa lokal nga gobyerno.
Sa bahin sa nasudnong kagamhanan, si Vergeire nagkanayon nga dos porsiyento lang sa kaugalingong mga suplay ang nausik, samtang ang gikan sa mga donasyon mokabat sa upat ngadto sa lima ka porsiyento. / HDT sa SunStar Philippines