5 ka most wanted sa Sugbo nasikop

5 ka most wanted sa Sugbo nasikop

Lima ka most wanted persons sa Central Visayas ang nasikop sa managlahing operasyon sa mga operatiba sa Criminal Investigation and Detection Group Central Visayas (CIDG) 7 sukad sa pagsugod niadtong Disyembre 2022 isip kabahin sa Oplan Pagtugis, ang kampanya sa CIDG batok sa wanted persons.

Unang nahulog mao si Brando Rico Cabillo, most wanted person sa provincial level sa kasong statutory rape, nasikop sa Sitio Manggahan, Brgy. San Nicolas, dakbayan sa Sugbo niadtong Biyernes, Disyembre 2.

Ang warrant sa pagdakop kaniya giisyu ni Regional Trial Court (RTC) Branch 6 Judge Ester Morales Veloso sa dakbayan sa Sugbo. Ang piyansa gitakda sa P180,000.

Niadtong Biyernes sa hapon, nasikop si Jackjun Abing Pagobo, ang ikaduhang most wanted sa probinsiya, nasikop sa Sitio San Roque, Barangay Mactan, dakbayan sa Lapu-Lapu sa duha ka kasong pagpanglugos.

Ang warrant batok kaniya giisyu ni RTC Branch 6 Judge Maria Dee Seares sa Mandaue City.

Way piyansang girekomendar.

Si Allan Bejoc Toledo, ang most wanted person sa municipal level, nasikop niadtong Biyernes sa gabii sa walo ka ihap sa pag-abuso batok sa kababayen-an ug kabataan ug pagpanglugos.

Ang warrant giisyu ni RTC Branch 91 Judge Flor Amor Opon, dakbayan sa Danao.

Ang ikaupat nga most wanted person sa municipal level nga si Harold Cornel Sayson, nasikop sa Sitio Looc, Brgy. Poblacion, lungsod sa Argao.

Ang warrant giisyu ni RTC Branch 94 Judge May Faith Lledo Trumata-Rebotiaco sa Argao. P120,000 ang piyansa.

Niadtong Huwebes, Disyembre 1, nasikop sa CIDG Bohol Field Unit si Reynaldo Daling, ang ikaduhang most wanted person sa regional level sa Brgy. Cubacub, Mandaue City.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph