ARON nga mapakita sa gobyerno ang tabang nga alang ngadto sa komunidad, mikantidad sa P300,000 ang gitunol ngadto sa Asinan Integrated Farmers and Workers EO 70 Sustainable Livelihood Program (SLP) Association sa Barangay Asinan, lungsod sa Matanao, Disyembre 2, 2022.
Kini kabahin sa programa sa Department of Social Welfare and Development (DSWD) Davao Region diin uban sab ang programa sa Ending Local Communist Armed Conflict (ELCAC).
Ang maong kantidad maoy mamahimong puhonan sa negusyo nga gamiton sa Asinan Integrated Farmers and Workers EO70 SLP Association isip seed capital fund sa ilang gitukod nga agrivet supply merchandise.
Dako ang kalipay sa mga benepisyaryo dihang ang lokal nga panggamhanan sa Matanao ang misuporta gayod niini uban sa Provincial Social Welfare and Development Office (PSWDO) sa Provincial Local Government Unit (PLGU) sa Davao del Sur.
Nasayran sab nga ang maong assistance kabahin sa Sustainable Livelihood Program (SLP) nga tabang sa DSWD alang sa Peoples Organization sa mga barangay nga maoy prayoridad sa mga programa sa ELCAC.
Kini aron nga may panginabuhian ang anaa sa komunidad, labi na kadtong mga rebel returnees o friends rescued.(Uban sa taho sa Radyo Pilipinas Davao)