Ang Cebu City Government, pinaagi sa Department of Manpower Development and Placement (DMDP) mopahigayon og local ug overseas mega job fair sa Cebu City Sports Center sa Disyembre 7, 2022.
Moabot ngadto sa 50 ka local nga mga kompaniya ug 10 ka mga kompaniya nga magtanyag og mga tabaho sa abroad ang mosalmot.
Libuan ka mga trabahante ang kinahanglanon sa mga kompaniya niining Disyembre gumikan sa pagbalik na sa operasyon human sa taas nga lahutay sa pandemiya.
Ang mega job fair magsugod sa alas 8 sa buntag hangtod na sa alas 5 sa hapon sa Miyerkules.
Si City Councilor Edgardo “Jaypee” Labella II, chairman sa committee on labor, employment, cooperative and livelihood sa Cebu City Council, nipahinumdom sa mga gustong mo-apply sa pagdala sa ilang updated nga biodata/resumè o curriculum vitae apil na ang ilang certificates kon anaa para aduna silay ikapakita sa nang-hire nga mga kompaniya. (PAC)