ANG Davao City Health Office, sa pakigtambayayong sa Department of Health, nilusad sa tulo ka adlaw nga Bakunahang Bayan sa Tomas Claudio Health Center, Davao City niadtong Lunes, Disyembre 5, 2022.
Si City Health Office Vaccination Cluster Head Dr. Josephine Villafuerte, Department of Health Officer-in-Charge Maria Rosario Vergeire, DOH Undersecretary Dr. Abdullah Dumama, Department of Health Regional Director Annabelle Yumang, ug CHO health care workers miduyog sa seremonyal nga pagbakuna subay sa kalihokan sa Bakunahang Bayan sa samang health center.
Sa wala pa ang ceremonial vaccination, si Vergeire namulong atubangan sa mga empleyado sa Davao City sa Flag raising ceremony ug miingon nga ang mga Dabawenyo gidasig pag-ayo sa pag-apil sa Bakunahang Bayan nga nagtinguha sa pagpausbaw sa booster vaccination rate sa siyudad.
"Here in Davao City, only 25 percent received booster doses, maybe we should cooperate in this to increase the rate of those who got boosters,” ingon ni Vergeire.
Base sa Regional Data on Booster doses, 25 porsiyento ang katugbang sa 331,999 ka indibidwal. Hinuon, gipahalipayan kini alang sa pagkab-ot sa 101 porsyento alang sa una ug ikaduhang booster doses.
Gipasalig ni Vergeire nga ang mga bakuna nga gigamit ug gi-isyu sa CHO anaa sa sulod sa ilang estante ug dili kini expired.
Matud ni Villafuerte nga ang mga district offices ug Abreeza Mall ang mosalmot sa tulo ka adlaw nga intensified vaccination.
"I am urging everyone in Davao City, those who were not able to get their first dose, second dose and booster, for you and your children - five years old and above - to come to the health centers because we will have vaccination starting today until December 7," pag-awhag ni Villafuerte sa mga Dabawenyos.
Siya midugang nga samtang ang Bakunahang Bayan modagan sulod lamang sa tulo ka adlaw, ang pagbakuna anaa sa panahon sa schedule sa mga district centers. Ang schedule gi-post sa City Government of Davao Facebook Page.
Anaa usab ang pagbakuna sa 3rd floor sa Abreeza mall, Food Choice, gikan sa Disyembre 5-9.
"There will also be weekend vaccination, Saturday and Sunday at People’s Park," butyag ni Villafuerte. (JPC, CIO)