PBA Q-finals sugdan na

Q-FINALS: Nakalusot si San Miguel Beermen guard CJ Perez ning aktuha batok sa Converge FiberXers sa ilang sangka sa elimination round sa PBA Commissioner’s Cup niadtong Oktubre 21, 2022. Magsangka og balik karong hapon ang duha ka mga kampo aron sugdan ang ilang qyarter-finals best-of-three series. / PBA.PH
Q-FINALS: Nakalusot si San Miguel Beermen guard CJ Perez ning aktuha batok sa Converge FiberXers sa ilang sangka sa elimination round sa PBA Commissioner’s Cup niadtong Oktubre 21, 2022. Magsangka og balik karong hapon ang duha ka mga kampo aron sugdan ang ilang qyarter-finals best-of-three series. / PBA.PH

Mga duwa karon Disyembre 7, 2022:

3:00 pm- Converge batok San Miguel

5:45 pm- Ginebra batok NorthPort

Sugdan karong hapon, Disyembre 7, 2022, ang quarter-finals sa 2022 Philippine Basketball Association (PBA) Commissioner’s Cup sa Philsports Arena.

Sa premirong duwa, magsangka ang No. 4 Converge FiberXers batok No. 5 San Miguel Beermen sa best-of-three series samtang magsangka sa main game ang No. 3 Brgy. Ginebra Gin Kings batok No. 6 NorthPort Batang Pier.

Ang FiberXers impresibo og gipakita sa elimination round diin nakarehistro sila og 8-4 nga rekord samtang ang Beermen nagkagidlay sa sayong bahin tungod sa pagkaangol sa ilang mga sinaligan apan nibawi sa ulahing bahin aron pagtali og 7-5 nga rekord.

“It’s gonna be a battle, for sure,” matod sa import sa Beermen nga si Devon Scott.

Sa panagharong sa duha ka mga kampo sa elimination round, gipukan sa FiberXers ang Beermen, 106-102, niadtong Oktubre 21, 2022.

Ning maong duwa, nakaposte og 17 puntos nga labaw ang FiberXers apan hinayhinay kining gipahak sa Beermen ug nakulbahinam ang kombati sa hinapos nga bahin.

Wala pa nakabalik og duwa ang mga pambato sa Beermen nga sila si JuneMar Fajardo ug Terrence Romeo.

“Now we have June Mar so I think we have a good chance of playing better with June Mar around because we have someone who can help us with the boards, score and be a presence inside the paint,” asoy ni SMB coach Jorge Gallent.

Apan dili ikalimod nga nagkakuyaw ang puwersa sa FiberXers ug gilauman ang makapaukyab nga kombati sa ilang pagpakigharong sa Beermen.

Sa laing duwa, makonsiderar nga inilog ang Gin Kings basi sa dakong kadaugan niini batok sa Batang Pier, 122-105, sa ilang engkuwentro sa elimination round. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph