P5.2T nga national budget iduso na kang Marcos

Giaprobahan na sa Senado ug House of Representatives ang bicameral conference committee report sa P5.268 trilyon nga proposed national budget alang sa fiscal year 2023.

Human sa ratipikasyon sa duha ka mga kamara sa Kongreso niadtong Lunes, Disyembre 5, ang 2023 General Appropriations Bill (GAB) isumite ngadto kang Presidente Ferdinand “Bongbong” Marcos Jr. para aprobahan ug mahimong balaod.

Si House Speaker Ferdinand Martin Romualdez niingon nga ilang gipasalig nga ang katapusang bersyon sa 2023 GAB maoy usa sa labing maayong paagi nga makasuporta sa walo ka punto nga socio-economic agenda ni Marcos nga naglakip sa mosunod:

* Panalipdan ang purchasing power sa mga pamilya pinaagi sa pagsiguro sa seguridad sa pagkaon, pagkunhod sa gasto sa transportasyon ug logistics ug pagkunhod sa gasto sa enerhiya.

* Pagpakunhod sa pagkahuyang ug pagminus sa mga kadaut gikan sa pandemiya sa Covid-19 pinaagi sa pagtagad sa panglawas, pagpalig-on sa sosyal nga proteksyon, ug pagsulbad sa nagkahuyang nga pagkat-on.

* Siguruon ang maayo nga mga sukaranan sa macroeconomic pinaagi sa pagpalambo sa bureaucratic efficiency ug pagsiguro sa maayong pagdumala sa panalapi.

* Pagmugna og dugang nga mga trabaho pinaagi sa pagpasiugda sa mga pamuhonan, pagpaayo sa imprastraktura, ug pagsiguro sa seguridad sa enerhiya, ug uban pa.

* Paghimo og mga dekalidad nga trabaho pinaagi sa pagpalambo sa kahigayunan nga makatrabaho, pag-awhag sa panukiduki, kalamboan ug kabag-ohan, ug pagpauswag sa digital nga ekonomiya.

* Paghimo og berde nga mga trabaho pinaagi sa pagpadayon sa usa ka berde ug asul nga ekonomiya ug pag-establisar nga mapuy-an ug malungtaron nga mga komunidad.

* Ipasiugda ang kahusay ug kaluwasan sa publiko, kalinaw, ug seguridad.

* Siguraduon ang lebel sa pagdula pinaagi sa pagpalig-on sa kompetisyon sa merkado ug pagpakunhod sa mga babag sa pagsulod ug mga limitasyon sa pagnegosyo.

Sa Senado, ang oposisyon nga sila si Senador Aquilino “Koko” Pimentel ug Risa Hontiveros mibotar batok sa ratipikasyon sa consolidated version sa proposed budget.

Matud pa ni Hontiveros nga ang 19th Congress nawad-an og kahigayonan sa paghingusog sa ilang kagawasan ug napakyas sa pagpakita sa iyang “power of the purse” human sa pagpahiuli sa confidential ug intelligence fund sa pipila ka mga ahensya sa gobiyerno atol sa Bicameral Conference.

“It seems that the protection given to public funds has been dulled by granting in full all the requests for confidential and intelligence funds under the Marcos-Duterte administration. And worse, the legislature agreed to remove provisions that require Congressional reporting of the utilization plan and disbursement of the confidential and intelligence fund,” matud niya. (TPM sa SunStar Cebu)