'Reforestation program' gitinguha alang sa abundang suplay sa tubig

DAVAO. Makita sa hulagway sila Apo Agua Operations Head Shake A. Tuason, Department of Environment and Natural Resources-Davao Regional Executive Director Bagani Fidel Evasco, Fardeco Multipurpose Cooperative Chairman Nelson Tagud ug ubang mga opisyal nga milagda sa memorandum of agreement niadtong Oktubre 28, 2022. (Apo Agua Infrastructura, Inc.)
DAVAO. Makita sa hulagway sila Apo Agua Operations Head Shake A. Tuason, Department of Environment and Natural Resources-Davao Regional Executive Director Bagani Fidel Evasco, Fardeco Multipurpose Cooperative Chairman Nelson Tagud ug ubang mga opisyal nga milagda sa memorandum of agreement niadtong Oktubre 28, 2022. (Apo Agua Infrastructura, Inc.)



ARON nga mas mapanalipdan ug maamoma pa ang kinaiyahan ang Apo Agua Infrastructura, Inc. (Apo Agua) bag-o lang nakig-alayon sa Department of Environment and Natural Resources (DENR)-Davao ug Fardeco Multipurpose Cooperative (Fardeco) pinaagi sa lima ka tuig nga reforestation program alang sa rehabilitasyon sa 200 ka ektarya nga luna sa DENR sa Barangay Cadalian, Baguio District, Davao City.

Subay sa gipaambit nga pasalig niini sa pagtabang sa pagpreserbar sa watershed ug paghatag og mga kahigayonan sa panginabuhian sa komunidad, si Apo Agua ug DENR naghiusa sa pwersa sa pagpataas sa kahibalo sa watershed conservation ug biodiversity sa komunidad pinaagi sa usa ka holistic Information, Education, and Communication campaign.

Gawas sa multimedia materials sama sa posters ug videos, metal signages ang ibutang sa mga barangay sa distrito sa Baguio, nga magpasiugda sa lokal nga endemic species aron sa pagpalambo sa wildlife conservation pinaagi sa pagpreserba ug pagpanalipod sa mga mananap, tanum, ug ilang pinuy-anan.

"We've worked with Aboitiz on many projects, and this reforestation program is not just about planting trees; it's also about restoring and caring for our NGP area within the Panigan-Tamugan Watershed. With this partnership, Apo Agua is helping us ensure the sustainability of our water table all the way to Davaoenos' homes. I hope it does not end here, and we will continue with our conservation efforts,” ingon ni Bagani Fidel Evasco, ang DENR-Davao regional executive director.

Gihatagan usab ni Apo Agua ang Monitoring Team sa City Environment and Natural Resources Office sa DENR og mga digital camera ug ang Lawin Patrollers sa DENR-Cenro ug mga mobile device, power banks, ug raincoat aron ma-optimize ang ilang watershed monitoring activities.

"It's an honor to stand alongside DENR in protecting the Panigan-Tamugan watershed. At Aboitiz, we highly value environmental conservation as part of our strategy for advancing business and communities. We recognize the urgent need to protect the watershed as this will be the next water source of Davao City, and we are taking proactive steps to do so," sulti ni Anna Lu, ang presidente sa Apo Agua.

Usa ka makanunayon nga tigpasiugda sa pagpanalipod sa kinaiyahan pinaagi sa nagkalaing mga programa, si Apo Agua, nakigtambayayong sa Davao City Water District (DCWD) alang sa Adopt-a-Site Reforestation Program niini niadtong 2019.

Naghimo usab kini og watershed baseline study uban sa ARUP, usa ka inila nga consultancy firm nga naglatid sa mga rekomendasyon para sa Davao City Watershed Management Council (WMC) aron madeterminar ang malungtarong mga polisiya alang sa Panigan-Tamugan watershed.

Sa pagpanguna niini sa konstruksyon sa Bulk Water Supply Project construction works sa DCWD, determinado si Apo Agua nga mapadali ang pagkompleto sa proyekto aron mahatagan og luwas ug malungtarong suplay sa tubig ang mga konsumidor sa DCWD.

Ang mga road restoration gikan sa pipelaying activities sa daghang mga site sa 15 ka barangay sa Second ug Third Districts sa Davao City nagpadayon usab.

Nasayran nga tungod sa Apo Agua, ang Apo Agua Infrastructura, Inc. nagtukod og usa sa pinakadako nga pribadong bulk water supply facility sa Pilipinas nga mosuplay og kapin sa 300 milyones ka litro kada adlaw sa luwas ug malungtarong tubig ngadto sa Davao City Water District alang sa katawhan sa siyudad sa Davao.

Ang kompaniya nakigsabot sa DCWD nga ibalhin ang pagsalig sa nag-unang suplay sa tubig sa Davao City gikan sa mga atabay sa tubig sa yuta ngadto sa mas malungtarong tinubdan sa tubig sa ibabaw sa Tamugan River.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph