LAMBERTO G. CEBALLOS
Ilaya, Cawayan, Dalaguete, Cebu
Maglipay kita kay Pasko karon
Bisan padayong nagliyong kanato
Ang kabalaka kay wa pa manglupad
Ngadto sa kawalaan ang mga kagaw
Sa nagkadaiyang
dagway sa Covid-19.
Maglipay kita kay Pasko man karon
Adlaw sa pagkatawo sa Batang Balaan
Nga maoy Manunubos sa kalibutan.
Sa Iyang Kamot itugyan ta atong kapalaran
Nga maoy igasa nato
sa Iyang Kabalaan.
Saulugon ta ang
Pasko taliwa
sa Covid-19
Pandemyang padayong naghulga
kanato.
Mangaliya ta sa Labing Gamhanan sa
Kahitas-an
Nga sa Iyang Balaang
Kaluoy kita Iyang gasahan
Nga mahanaw na ang Covid-19 sa
kalibutan.
Maglipay, maglipay
kita kay
Pasko karon
Isalikway ta ang mga kahadlok ug
kabalaka
Pug-on ta atong
kasingkasing sa timgas pangaliya
Sa Senyor Santo Nino nga milagrusong bata
Nga bugawon Niya
ang Covid-19
ngadto sa sulad
Ning adlaw nga Siya gigasa
sa Iyang Amahan
Aron maluwas ang
katawhan sa tibuok kalibutan.