DILI baligya ang mga application forms alang sa social services sa Office of the Vice President (OVP).

Subay sa press release sa buhatan sa ikaduhang pangulo sa nasud pinaagi sa OVP Media, nagpasidaan nga dili baligya ang mga application forms alang sa social services sa maong ahensiya.

Kini human nga ang OVP nakadawat og mga taho gikan sa daghang mga indibiduwal nga giingong dunay gipamaligya nga mga application forms alang sa tabang sa publiko nga gigamit sa pagdokumento sa mga profile sa kliyente nga nag-aplay alang sa Medical and Burial Assistance Program (MABP).

"The Office of the Vice President reiterated that application forms for social services are not for sale. The OVP has been receiving reports from several individuals on the sale of public assistance application forms which are used to document client profiles applying for Medical and Burial Assistance Program (MABP)," mabasa sa press release sa OVP niadtong Disyembre 7, 2022.

Ang medikal ug burial nga tabang usa sa mga serbisyong sosyal nga gipatuman sa OVP, ug kini ang labing gipangayo nga tabang sa mga marginalized nga mga Filipino.

Sukad Disyembre 2, 2022, ang programa sa pagtabang nakabenepisyo na sa 19,910 ka kabus nga mga Filipino nga adunay hinabang nga nagkantidad og P179,591,068.67.

Gawas sa OVP Central Office sa Mandaluyong, ang medical ug burial assistance gihatag usab sa pito ka OVP Satellite Offices sa tibuok nasud.

Gihatagan usab og gibug-aton sa OVP nga ang libre nga public assistance application forms anaa sa central ug satellite offices lamang ug kinahanglan nga gamiton ra sa mga kliyente nga nangayo sa maong mga serbisyo. (Jeepy P. Compio/OVP Media)