Gipusasan ang usa ka 23-anyos nga lalaki human nakuhaan og 310 gramos nga gituohang shabu nga mobalor og P2.1 milyunes.
Si Police Lieutenant Colonel Ronnie Failoga, hepe sa Regional Police Drug Enforcement Group sa Central Visayas (RPDEU 7) nga nangulo sa anti-illegal drug operation, niila sa suspek nga si Jhon Mover, 23, residente sa dalan Spolarium, Sitio Pasong, Barangay Duljo-Fatima, dakbayan sa Sugbo.
Ang buy-bust gihimo sa Sitio Bayabas, Barangay Punta Princesa sa Huwebes sa kaadlawon, Disyembre 8, 2022.
Matod ni Failoga nga kapin sa usa ka semana ang ilang gihimong surveillance batok sa suspek una nila gilusad ang operasyon.
Nasayran nga si Mover nasikop niadtong 2019 tungod sa illegal drug trade ug gibuhian ubos sa probation human sa kapin sa duha ka tuig nga pagkabilanggo. (BBT)