Mga duwa karon:
3:00 pm- Ginebra batok Magnolia
5:45 pm- Bay Area batok San Miguel
Mosuway pagposte og 2-0 nga bintaha ang Bay Area Dragons ug Brgy. Ginebra Gin Kings sa ilang pagpakigbatok og balik sa ilang tagsatagsa ka kontra karong hapon, Disyembre 16, 2022, sa Game 2 sa Philippine Basketball Association (PBA) Commissioner’s Cup semi-finals best-of-five series sa Philsports Arena.
Ang Gin Kings makigharong sa Magnolia Chicken Timplados sa premirong duwa karong alas 3:00 sa hapon samtang makigsangka ang Dragons sa San Miguel Beermen sa main game.
Gilauman nga pulos kulbahinam ang masaksihan ning mga kombatiha sama sa nahitabo sa Game 1 diin gibuntog sa Gin Kings ang Hotshots, 87-84, ug gipukan sa Bay Dragons ang Beermen, 103-102.
“This is a war, not a game. We’ve still got a lot to play,” matod ni Dragons coach Brian Goorjian nga napatik sa www.pba.ph.
Matod ni Goorjian nga seguradong mas moagresibo ang Beermen ning higayuna ug mao kini ang ilang gipangandaman og maayo.