Human sa hingpit niyang dominasyon sa bantamweight division, nagkanayon si Japanese “Monster” Inoue nga tinguha niyang dad-on ang iyang kamangtas sa iyang pagsaka sa super bantamweight.
Mao kini ang gipadayag ni Inoue usa ka adlaw human sa iyang 11th round knockout nga kadaugan batok kang British Paul Butler nga nagpahimo kaniyang labing unang undisputed bantamweight king.
Sa kadaugan, nahakot ni Inoue ang tanang mayorihiyang mga titulo sa World Boxing Council (WBC), World Boxing Association (WBA), World Boxing Organization (WBO) ug International Boxing Federation (IBF) sa 118 pounds category.
“I will aim to do the same at super bantamweight,” matod ni Inoue sa interbyu sa www.boxingscene.com.
Si Inoue naggunit og makapaukyab nga 24-0, 21KOs nga rekord.