Taliwala sa mga sungog sa kontrobersiya nga nihamok sa lega, sa gihapon impresibong gituldokan og kalampusan ang 2022 season sa Cebu Schools Athletics Foundation Inc. (Cesafi) basketball event niadtong Huwebes.
Ang University of the Visayas (UV) Green Lancers sa makausa pa, nagpadayon sa ilang dominasyon sa lega dihang sa ika-14 nga higayon ila na usab nalabnot ang kampiyonato sa men’s division.
Not so bad for coach Gary Cortes kay actually, kini maoy iyang ikaupat nga titulo ubos sa Green Lancers. Nya gawas niini, aduna usab siyay duha ka runners-up.
Sa ato pa, ikaduha siya ni kanhi PBA player Elmer “Boy” Cabahug nga maoy naghupot sa record nga winningest coach sa Cesafi human nagiyahi niini ang Green Lancers ngadto sa siyam ka sunodsunod nga mga kampiyonato (2000-2009).
Ug posiblig madugangan pa ning mga titulo nga iyang napupo ilabi na ning mga batan-on apan dekalidad niyang mga players karon.
Alang ni Cortes, something special ang maong titulo kay daghan kaayo sila og mga pagsuway nga naagian.
“Kini nga pagka daog meaningful kaayo ni para nako kay grabi among struggle since from the very beginning. Thankful ko sa mga players nga ni cooperate sa among program, way mga dagkog ulo. We have one goal ug nakuha na namo karon ang goal,” matod ni Cortes.
Pero what was shocking atol sa interview mao ang iyang rebelasyon nga andam na usab siya nga moundang na pagka coach.
“Something special kay siyempre mao ni ang comeback sa Cesafi, then mao ni akong gi-promise ni Samsam (Gullas) nga after makuha ni nako nga season, puwede na ko moundang pagka coach kay gusto ko nga moundang as a champion,” niya pa.
Atong girespetuhan ang desisyon ni Cortes, pero kon ang rason mao lang nga gusto siyang moundang pagka coach nga usa ka champion, morag alang nako dili pa kini mao ang tukma nga higayon.
Daghan pang mga legasiya nga iyang makulit nga labaw pa unya niini. Daghan pang mga batan-ong players nga nangindahay ug naagni nga imong magiyahan. You have to think a thousand times coach. It’s too early unless aduna kay laing rason. Just my two cents.