Padayong nagpakita og kahanas si Ginebra Gin Kings import Justine Brownlee isip usa sa labing maayong imports sa kasaysayan sa Philippine Basketball Association (PBA).
Sa halftime sa Game 3 sa PBA Commissioner’s Cup semi-finals best-of-five series niadtong Dominggo, Disyembre 18, 2022 diin ningdominar ang Gin Kings, 103-80, batok sa Magnolia Chicken Timplados Hotshots, nakapatong na si Brownlee sa 5,000-point mark.
Pagkahuman sa duwa, si Brownlee nirehistro og 38 puntos aron inaton ang iyang kinatibuk-ang natigom nga mga puntos ngadto sa 5,019.
Si Brownlee maoy ikalima pa lang nga import nga nakaabot og 5,000 puntos sa kinatibuk-an sunod nila ni Norman Black, anhing Bobby Parks, Lew Massey, ug Sean Chambers.
“I know the list of five players and I’m on the top five scoring (list). To be mentioned with those guys now, it’s definitely a great achievement for myself,” matod ni Brownlee nga napatik sa www.pba.ph.
Sa pagpangulo ni Brownlee, ang Gin Kings nakamugna og 2-1 nga bintaha sa Commissioner’s Cup semi-finals series.
Sa laing semis series, ang guest team Bay Area Dragons naggunit sab og 2-1 nga bintaha batok sa San Miguel Beermen.