SULOD sa halos tulo ka dekada, ang kanhi trabahante sa pabrika nga si Lulibeth dugay nang nakigbatok sa sakit sa kasingkasing. Karong 54-anyos na siya, si Lulibeth nakalahutay sa pipila ka mga stroke pinaagi sa tabang sa iyang amahan ug mga igsoong babaye. Utang niya ang iyang kinabuhi alang sa iyang fighting spirit. “Gikan man to sa Ginoo ug sa akong igsoon nga mao’y nag-atiman nako.” Kining partikular nga igsoong babaye, si Divin, mao na karon ang nag-unang tig-atiman ni Lulibeth.

“Pag bata ni Lulibeth, wala jud siyay problem sa iyang heart. Sa katong abtik pa siya, naa siyay trabaho nya mutabang pud ni siya namo sa wala mi,” nahinumdom si Divin. “Sa katong naa na koy anak nya wala koy panggatas, naa gyod siya para namo.” Apan, nisamot ang kahimtang ni Lulibeth hangtod nga nisangko kini sa atake sa kasingkasing. Wala nila nahibal-an, nga mas mograbe pa kini.

Sa mata sa bagyo

Si Lulibeth na-admit sa ospital niadtong Disyembre 15, 2021, usa ka adlaw sa wala pa ang super typhoon Odette mi-landfall ug miguba sa dakong bahin sa Sugbo. Nahinumdom ni Divin sa makalilisang nga panghitabo sa pagkabulag sa iyang igsoon taliwala sa kagubot. “Wala pa ni-landfall, nagkusog na gyod ang hangin. Unya dili gyod makasulod akong igsoon kay bag-o pa mi nasulod, nya under isolation pa man siya. Siya ra jud didto. Kay kami mga bantay gi-evacuate man mi diha sa gawas. So na-separate man mi niya.”

“[Sa dihang mibisita ko], kita ko nga natagak ang kisame ug dinaganay ang mga tawo nga nagabitbit og dextrose gikan sa ila nga room. Siyempre ako, nakahibaw ko na si Lulibeth is dili siya kalakaw kay dili man mo-function iya left side. Grabe jud akong kakulba ato, murag ako’y atakehon. Maygani naay na-luoy pa nga nagbantayan sa pasyente, nay nagtabang pud siyag rescue. Didto intawon siya sa ER dapit, gi pasok siya didto, gipadaplin ra, og ang iya dextrose wala na.”

Hi-Precision sa panahon sa Odette

Human sa walo ka adlaw sa ospital, nahibal-an ni Divin nga ang unang lakang sa pagluwas sa iyang igsoon mao ang pagpa-eksamin. “Niana man ang doctor na as soon as possible, pangitaon jud mi og naay open nga magpa-2D echo.” Tungod sa kagrabe nga kadaot sa mga imprastraktura ug pagkaputol sa kuryente sa tibuok lungsod, lisud ang pagpangita sa usa ka nagfunction nga klinika.

“Nabalaka jud ko sa kahimtang nakong igsoon, kay wala gyod kuryente. Nya na-NGT man gud siya katong time na pag-out . Di baya lalim nga mag-NGT nya wala pa mi gas og kuryente. So sige jud kog mangotana kon naa nay open. Niadto ko sa Naga unya nangotana ko sa Hi-Pre kon open na siya. Niana daw ang guard na ‘Ma’am, sa Naga wala pa. Pero suwayi nalang ninyo sa Main, basig open sila.’"

“Niuli pa ko diri nya pagka-ugma, nisayo gyod ko Cebu City. Nalipay sad jud mi atong dako nga nag-open ang Hi-Precision. Nag-inquire ko, nya mao to ni-ingon man nga ‘Kon gusto ka, magbayad na ka daan para ugma, ig abot ninyo, diretso na siya dayun.’ Dili na malangan pud ba kay pasyente gyod namo. Mao to, pagkaugma, nanayo mi didto. Niabot diri mga 5 kapin.”

Kusog nga kasingkasing, maisog nga kalag

Sa adlaw nga naabot sila sa Hi-Precision, ang ground staff dali nga nag-prioritize kang Lulibeth ug Divin para sa testing. “Ok ra man sad kay wala pud mi ato nalangan ba. Kay gipakita ko unsay iya sitwasyon, ipakita pud nako ang iyang mga records diri, kato iyang CT scan, ing-ana.” Atong higayona, nahibal-an dayon sa doktor nga nalambigit ang presensya sa thrombus, o labing kuyaw nga blood clots, sa kasingkasing ni Lulibeth.

Salamat sa trabaho sa mga kawani sa medisina niining kritikal nga panahon sa Bagyong Odette, nakuha ni Divin ang husto nga tambal aron mahupay ang grabe nga epekto sa thrombus. Mahimong dili kini hingpit nga makaayo sa mga blood clots, apan si Divin mapasalamaton sa pag-uswag sa pagkaayo sa iyang igsoon. “Among nabilib lang jud ani kay taas man kaayo siyag fighting spirit. Kanang laban lang jud ba. Karon murag malihok-lihok na siya kay gahapon, nibarog na siya pag lakaw.”

Bisan pa sa tanan, nalipay ang managsoon nga naa gihapon sila para sa usag usa. Labi silang mapasalamaton sa mga healthcare centers sama sa Hi-Precision nga nagpabiling abli para makaserbisyo ug makaluwas ug kinabuhi. "Nagpasalamat sad mi ato sa Hi-Precision nga wala sad sila nanira. Kay katong time man daghan man mga pasyente nga tabangonon.”

Wala pa matapos ang away. Nagkinahanglan pa si Lulibeth og dugang nga testing ug regular nga tambal aron maayo, apan ang iyang Ate adunay malaumon nga mga pulong aron ipadayon ang away. “Laban lang jud pirmi. Love ka namo. Basta pagpaningkamot lang gyod. Naa may miracle nya ampo lang jud para maayo jud ta. Dili jud ka namo pasagdan.”

Ulan man o init, bagyo, o global nga pandemya, ang Hi-Precision Cebu dili mohunong sa pag-atiman sa katawhan sa Sugbo. (SPONSORED CONTENT)