Wala na tingali sama pa katahum sa mananoy nga mga huni ug awit sa Kapaskohan nga atong mabati sa mabugnaw nga sayo nga kabuntagon. Mao nga nunot ning atong pagsaulog sa pagkatawo sa atong Manunubos, nia ang pinakasikat nga mga Paskohanong awit gikan sa lainlaing mga henerasyon nga padayong mikulit karon og kasaysayan.
WHITE CHRISTMAS
Base sa Guinness Book of World Records, ang “White Christmas” ni Bing Crosby dili lang maoy best-selling Christmas/holiday single sa Amerika, kundi mao say best-selling single of all time nga dunay estimated sales nga 50 million copies worldwide. Ang White Christmas gi-composed ni Irving Berlin alang sa musical film nga “Holiday Inn” niadtong 1942. / YOUTUBE
FELIZ NAVIDAD
Sa Espanya, ang “Feliz Navidad” ang usa sa mga pinakasikat nga Christmas song hangtod karon. Gitagik ug gikanta sa Puerto Rican singer-songwriter nga si Jose Feliciano niadtong 1970 ug aduna ray 20 words sa traditional Spanish Christmas/New Year greeting nga “Feliz Navidad, próspero ańo y felicidad” (“Merry Christmas, a prosperous year and happiness”). / SPOTIFY
SILENT NIGHT
Ang melodiya sa “Silent Night” gi-composed sa Austrian school teacher ug church organist nga si Franz Xaver Gruber (naa sa hulagway), nga gikan sa original German lyrics sa Catholic priest nga si Joseph Mohr, atol sa bisperas sa Pasko niadtong 1818. Ang “Silent Night” ang most-covered Christmas song of all time karon sa Spotify o dunay pinakadaghan og version (27,000). / WIKIPEDIA
CHRISTMAS IN OUR HEARTS
Ang “Christmas in our Hearts” album ni Jose Mari Chan nga gi-released sa Universal Records niadtong 1990 ang labing una ug bugtong OPM album nga nakaabot og Double Diamond Record status (over 800,000 copies sold). Tungod sa grabe kasikat sa iyang mga kanta sa album panahon sa Pasko, si Jose Mari Chan ang giila karon nga The Father of Philippine Christmas Music. / FACEBOOK
ALL I WANT FOR CHRISTMAS IS YOU
Ang “All I Want For Christmas Is You” ni Mariah Carey ang labing unang awit sa kasaysayan sa Billboard charts nga nag-No. 1 sud na sa upat ka tuig from 2019 to 2022. Ang maong awit unang gi-released sa 1994 Christmas album pa ni Carey, apan diha ni nikusog pag-uso sa streaming services nga dunay 1 billion streams na sa Tiktok, Instagram ug Spotify. / INSTAGRAM
CHRISTMAS TREE
Karong 2022, ang kantang “Christmas Tree” sa South Korean nga si “V” sa BTS, ang gideklarar nga pinakasikat nga Christmas song sa Spotify worldwide base sa number of playlists. Samtang ang “All I Want For Christmas Is You” ni Mariah Carey ang naa sa No. 2. Ang Christmas Tree gi-record ni “V” alang sa South Korean TV series nga “Our Summer” niadtong December, 2021. / SPOTIFY
FAIRYTALE OF NEW YORK
Sa UK, ang most played Christmas classic of all-time mao ang 1987 hit nga “Fairytale of New York” sa kanhi bandang The Pogues nga nag-feature ni Kirsty MacColl sa buhi pa. Ang Irish folk-style ballad naghubit sa kamatuoran nga dili tanan nagmalipayon sa Pasko. Kauban ni Kirsty sa hulagway ang bokalista sa The Pogues nga si Shane MacGowan nga maoy composer. / YOUTUBE