DSWD migahin og P132.3M alang sa trabaho sa PWDs

DSWD migahin og P132.3M alang sa trabaho sa PWDs

Ang Department of Social Welfare and Development (DSWD-7) nigahin og P132.39 milyunes sa cash for work (CFW) program alang sa libuan ka persons with disabilities (PWD) sa Central Visayas.

Si Regional Director Shalaine Marie Lucero sa DSWD-7 nipahibawo nga adunay 31, 584 ka mga PWD gikan sa 129 ka local government units sa rehiyon nga makabenepisyo ug makadawat og minimum nga sweldo.

Ang DSWD, inabagan sa Department of Social Welfare and Services (DSWS) sa Cebu City, ni-release sa Biyernes, Disyembre 23, og P8.49 milyunes alang sa 1,953 ka persons with disabilities (PWD) sa dakbayan sa Sugbo.

Ang distribution gipahigayon sa Abellana National School gym.

Ang mga PWD sa 129 ka LGUs nitrabaho og labing dugay 10 ka adlaw pinaagi sa pagpanglimpyo, community service ug tree-planting sa ilang tagsa-tagsa ka mga lungsod ug siyudad sa nangaging mga buwan.

Ang CFW mao ang programa sa national government nga inisyatiba ni Presidente Ferdinand Marcos Jr. aron ang serbisyo mapaduol ngadto sa mga PWD kansang simultaneous payout activity gisugdan niadtong Disyembre 3 sa Metro Manila.

Ang maong programa giulohan og “BUHAYnihan or Buhay at Bayanihan para sa Mamamayan Cash-for-Work for Persons with Disabilities” nga gipangulohan sa DSWD Kapit-Bisig Laban sa Kahirapan-Comprehensive and Integrated Delivery of Social Services (KALAHI-CIDSS).

Moabot ngadto sa 264,186 ka PWDs sa tibuok nasod ang makabenepisyo sa CFW program sa KALAHI-CIDSS.

Ang CFW nagtinguha nga mag-apud-apod og kwarta isip bugti sa serbisyo sa mga PWD ngadto ilang tagsa-tagsa ka komunidad. Nagsilbi kining temporaryo nga trabaho sa mga PWD kansang income ubos o walay kinitaan.

Pananglit ang PWD dili makahimo sa pagpanglimpyo, tree-planting ug ubang klase sa community service, mahimo silang motudlo og laing sakop sa pamilya nga maoy motrabaho alang kaniya aron aduna silay makobra kon sila beneficiary sa programa. (PAC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph