Human sa World Boxing Council (WBC) convention ning bag-uhay lang, nahan-ay ang dalan alang sa panag-engkuwentro nila Filipino Nonito Donaire ug Australian Jason Moloney sa tuig 2023.
Si Moloney, kinsa adunay 25-2, 19KOs nga rekord, maoy kasamtangang WBC bantamweight no. 1 contender, samtang No. 2 si Donaire, kinsa adunay 42-7, 28 KOs nga rekord.
Ang WBC bantamweight champion nga si Japanese Naoya ”Monster” Inoue nipadayag nang daan nga mosaka na siya sa super bantamweight human niya naharos pagsakmit ang tanang bantamweight titles.
Sa higayon nga buhian na ni Inoue ang WBC bantamweight belt, seguradong mohatag og kamanduan ang WBC nga mag-away sila si Moloney ug Donaire aron ilugan ang bakanteng titulo.
Niini pa lang ka sayo, nagpanikad na si Moloney kabahin sa posibleng panag-away nila ni Donaire, kinsa umaabot nga Hall of Famer.
“2022 has been a good year, a year of improving and now I’m ready to finally achieve my goal of being a world champion, a following for the long list of great champions the WBC have had,” batbat ni Moloney sa interbyu sa www.boxingscene.com.