ANG MGA residente sa barangay sa Sitio Panaga, Paquibato District, Davao City, aduna nay access sa usa ka basic water system nga gibutang sa ilang komunidad sa Apo Agua Infrastuctura, Inc. (Apo Agua) sa pakigtambayayong sa Davao City Police Office's Revitalized Pulis sa Barangay (RPSB).
Ang bag-o lang nga donasyon sa Apo Agua nga 1,500 metros nga mga tubo ug construction materials ngadto sa DCPO isip suporta sa RPSB's small-scale water solution project sa Barangay Colosas, makabenepisyo sa kapin sa 350 ka mga panimalay nga sakop sa Ata-Manobo indigenous peoples community sa Sitio Panaga, Barangay Council Complex ug mga estudyante sa Datu Libayao Elementary School.
Ginganlag “Project Blue,” ang small-scale water system nga nagtumong sa pagpagaan sa padayon nga water inaccessibility problems sa mas daghang komunidad nga dili direktang makabenepisyo sa Bulk Water Project.
Gipaila niini ang malungtaron nga gagmay nga mga solusyon sa tubig, sama sa mga pasilidad sa pagsalod sa tubig ug mga linya sa tubo sa tubig sa mga komunidad, ug nag-awhag sa pag-apil sa mga residente isip aktibong kasosyo alang sa usa ka praktikal nga proyekto.
“We are very thankful for Apo Agua's support for the RPSB programs. This water augmentation for the barangay would not have materialized without their support,” sumala ni P/Lt Gary Aldaba, team leader sa RBSP Barangay Colosas.
Giingon sab nga ang “Project Blue” maoy usa ka testamento nga ang labing gipabilhan nga kultura sa mga Pilipino sa “Bayanihan” buhi pa kaayo – naghatag ug kamot sa komunidad ug naghiusa sa pagkab-ot sa mga tumong sa paghiusa.
“Our goal is to provide small-scale water solutions in our immediate communities through Project Blue. Our team is equipped with engineers with the right technical expertise in water operations, and we can put our knowledge to use by working closely with the community and ensure these projects are effective and sustainable,” ingon ni Anna Lu, Presidente sa Apo Agua.
Sa laing bahin, si Apo Agua nga gipangulohan sa Aboitiz misaad nga mahimong dugay nang kauban sa Davao City Water District (DCWD) pinaagi sa pagtabang sa pagpalihok sa Water Truck initiative isip intermediary water solution alang sa mga residente sa Davao City nga nagpaabot sa hapit na nga mahuman nga Bulk Water Project.
Ang Apo Agua Infrastructura, Inc. nagtukod og usa sa pinakadako nga pribadong bulk water supply facility sa Pilipinas nga mosuplay og kapin sa 300 milyones ka litro kada adlaw sa luwas ug malungtarong tubig ngadto sa Davao City Water District alang sa katawhan sa siyudad sa Davao.