Gitudlo ni Presidente Bongbong Marcos si Richard “Dickie” Bachmann isip bag-ong tsirman sa Philippine Sports Commission (PSC).
Gikompirmar kini ni Press Undersecretary Cheloy Garafil kagahapon, Disyembre 28, 2022.
Hinuon, wala pa gipagawas sa Malacañang ang appointment papers ni Bachmann.
Si Bachmann maoy gipuli ni Noli Eala, kinsa sulod lang sa upat mga buwan nga naggunit ning maong posisyon.
Kasamtangang naa pa sa Amerika si Bachmann ug wala pa kini nihatag og reaksyon ning maong kalambuan.
Sama ni Eala, kinsa kanhi Philippine Basketball Association (PBA) Commissioner, Samahang Basketbol ng Pilipinas (SBP) executive director, ug SMC sports head, si Bachmann aduna say lawon nga background sa paugnat sa kusog.
Kasamtangan siyang commissioner sa UAAP basketball event ug tsirman sa PBA 3x3, mga posisyon nga gituohan nga iyang buhian tungod sa iyang pagkahimong PSC head.