Nganong gitawag og “The Magician” si Efren “Bata” Reyes sa kalibutan sa billiards?
Sa podcast nga “Surprise Guest with Pia Arcangel,” gisaysay ni Reyes ang sinugdanan nganong gitawag siya og “The Magician.”
Gipasabot ni Reyes nga dihang nanimpalad siya sa Amerika kauban ang iyang tako niadtong dekada 80, naggamit siya og laing pangalan aron adunay makigparang kaniya.
Niadtong higayuna, naila na si Reyes nga maoy labing gikahadlukang bilyarista sa Pilipinas.
“Bago ako magpunta ng Amerika, alam ng mga tao doon na darating na ako, na darating na ang Efren ‘Bata’ Reyes sa Amerika,” matod ni Reyes, kinsa nag-edad na og 68, nga napatik sa www.gmanews.tv.
“Eh siyempre paano ako makakalaban, paanong may lalaban sa akin doon kung ‘yun kaagad alam nila na ako yun? Siyempre naano kami, so ‘yung pangalan ng kasama ko ginamit ko, ‘yung Cesar Morales, e hindi naman nila alam ang mukha ko eh, pangalan lang.”
Hangtod niabot ang panahon nga nailhan na si Reyes sa iyang tinuod nga pangalan.
“Kaya pagbalik ko mga 1986, ‘87, tinawag na akong Magician kasi bawat dating ko doon may napupulot silang iba-ibang tira, iba’t ibang klaseng posisyon ng tira na nakukuha nila na hindi nila alam,” dugang ni Reyes.
Hangtod karon, padayon gihapong nagduwa si Reyes taliwala sa iyang pangidaron.
Si Reyes maoy gikonsiderar nga labing iladong bilyarista sa tibuok kalibutan.