Dragons dali nga mi-adjust

Dragons dali nga mi-adjust

Giklaro ni Bay Area Dragons coach Brian Goorjian nga nakasabay na sila sa pisikal nga duwa sa Brgy. Ginebra Gin Kings ug mao kini ang hinungdan nga bangis silang nakabawos sa Game 2 sa Philippine Basketball Association (PBA) Commissioner’s Cup finals series, 99-82, niadtong Disyembre 28, 2022.

Ang kadaugan maoy nakatabla sa best-of-seven series, 1-1.

“You go into this game, the game is about easy baskets, offensive rebounds, and putbacks and putting team together on the foul line. Tonight, we defended without fouling,” matod pa ni Goorjian human sa Game 2 nga napatik sa www.spin.ph.

Nidugang si Goorjian nga wala sila sukad nireklamo sa tawag sa mga referee sa labing unang professional nga liga sa Asya ug nangita lang sila og paagi aron maka-adjust.

Ang Dragons, nga usa ka Hong Kong-based guest team sa PBA, tataw nga nakalitan sa grabe ka pilit sa depensa sa Gin Kings sa Game 1 hinungdan nga nasugamak sila sa dakong kapildihan, 96-81.

Nagkinahanglan ra og usa ka adlaw ang Dragons aron maka-adjust niini ug nagbunga kini og maayong resulta.

“Everything is a first. First road game. First hotel meal. First basket. First final game. We are in a series, it’s your country, the PBA... That was our first game in a finals series,” pasabot ni Goorjian.

“We didn’t complain about the referees. All we tried to do was figure out how the game is going to be called and make adjustments. That was my job in between games.”

Ang duha ka mga kampo mopahuway una og pipila ka mga adlaw una sila magkombati og balik karong Enero 4, 2023 alang sa Game 3.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph