DOH mopalit lang og gamay sa bakuna batok 2 ka strain sa Covid

File photo
File photo

“Very minimal” nga gidaghanon sa bivalent coronavirus disease (Covid-19) vaccines ang mapalit sa Department of Health (DOH).

Kini ang gibutyag ni Health Undersecretary Maria Rosario Vergeire sa usa ka press briefing sa Huwebes, Disyembre 29, 2022, nga nag-ingon nga dugangan lang nila ang stocks depende sa panginahanglan.

“We’re ordering by the millions, but it is not going to be really... we will start with a very minimal number of doses,” matod ni Vergeire.

“We have an agreement with the manufacturers that in case the demand goes up, we can immediately place another order,” dugang niya.

Ang bivalent Covid-19 nga mga bakuna nagtarget sa duha ka strain sa Covid-19 virus: ang orihinal nga strain ug Omicron strain.

Sa sayo pa, ang Food and Drug Administration (FDA) nag-isyu sa emergency use authorizations (EUAs) alang sa bivalent nga mga bakuna sa Moderna ug Pfizer.

Matud ni Vergeire nga ila nang gi-finalize ang guidelines sa paggamit sa Pfizer ug Moderna bivalent jabs.

“We are currently drafting the guidelines since the EUAs for both Pfizer and Moderna have already come out,” matud sa health official. (HDT sa SunStar Philippines)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph