Padayon ang Brooklyn Nets sa naandan nilang gimbuhaton sa kasamtangan – manghakot og kadaugan.
Gipasukarap sa Nets ang host Atlanta Hawks, 108-107, sa usa ka kulbahinam nga kombati kagahapon, Disyembre 29, 2022 (PH time), aron irehistro ang ilang ika-10 nga sagunsong kadaugan sa National Basketball Association (NBA).
Sama sa naandan, gipangulohan ang Nets sa ilang duha ka superstars nga sila si Kyrie Irving ug Kevin Durant.
Nagpakatap og 28 puntos si Irving diin 15 niini iyang namugna sa 4th quarter samtang nidugang og 26 puntos ug kaugalingon niyang season-high nga 16 puntos si Durant.
Ang 10 ka sagunsong kadaugan maoy labing taas nga nahimo sa 2022-23 season ug labing taas nga namugna sa Nets gikan niadtong 2005-06 season.
“For me specifically, when the fourth quarter hits, it’s winning time,” matod ni Irving.
“That’s all I really know. When I’m out there with that group to start the fourth, I know K.D. is resting a little bit, so I just have to raise my aggression level and raise my efficiency up, and I’m grateful to have the trust of my teammates and coaching staff.”
Nakapasulod og walo ka sunodsunod nga mga puntos si Irving aron pangulohan ang 17-3 run nga maoy naghatag sa Nets og 93-82 nga labaw sa sayong bahin sa 4th quarter.
Bisan wala ang ilang mga sinaligan nga sila si All-Star guard Trae Young, leading rebounder Clint Capela ug starting forward De’Andre Hunter, ang Hawks wala basta-basta nagpasangit sa Nets ug ning-rally kini hangtod nga natabla nila ang duwa, 106-106, sa nahabiling 1:20 minutos.
Hinuon sa pagpadayon sa kombati, ningpabor sa Nets ang dagan sa mga panghitabo.
“I saw fight from our guys tonight,” batbat ni Hawks coach Nate McMillan. “We didn’t think about the guys that were out. The guys that were playing came out and played to win.”
Ang Hawks gipangulohan ni Dejounte Murray pinaagi sa iyang 24 puntos samtang nitunol og 21 puntos si John Collins. (AP)