Ang Siargao Island nga sakop sa Probinsiya sa Surigao del Norte naila sa tawag nga Surfing Capital of the Philippines tungod sa mga bawod nga gihigugma gayud sa mga surfer.
Gawas sa Cloud 9 surfing area, naila sab ang Siargao sa nagkalainlaing tourist destinations sama sa Magpupungko Rock Pools, Sugba Lagoon, Sohoton Cove National Park, ug island-hopping escapade.
Sa mga pamilya o magbarkada nga mosuroy sa Siargao Island nga budget conscious, dili na mo angay maguol sa pagpangita og kapuy-an kay ang among Super Suroy Team nakakita og affordable nga hostel ug proudly owned by Sugboanon pa gyud.
Kini mao ang Tres Islas Hostel Siargao nga gipanag-iya ni Mercedez Mari Del Rio, kinsa lumad nga taga Barangay Basak, Lapu-Lapu City. Ang maong hostel nga nahimutang sa sikat nga lungsod sa General Luna nag-abli niadtong 2018.
Matod ni Del Rio nga ang pangalang Tres Islas “inspired by Tri-Island hopping: Naked, Daku, Guyam Island.” Kini nga mga isla maoy labing sikat sa mga turista.
Perfect gayud sa dinaghanay nga turista ang Tres Islas kay sa presyo nga P430/head per night sa ilang dorm room, masulod na ang 10 ka tawo.
Samtang aduna sad silay nagkalainlaing klase nga kwarto sama sa Solo Room nga tag P1,150/night, Double Room sa P1,450/night, Triple Room sa P1,750/night, ug Quad Room sa P2,150/night.
Dili sab mo mabudol sa ilang lami nga boodle fight kay sa P3,500 lang, makakaon na ang hangtod sa 15 ka tawo. Lakip sa pagkaon ang rice, spicy shrimp, sinugbang baboy, chicken halanghalang, mangga, ug watermelon.
Sa mga gusto musuroy sa isla nga gamit ang motor, mahimo nga moabang sa presyo nga P450 matag adlaw.
“If you want to have an amazing yet affordable experience in Siargao, stay with Tres Islas. Budget friendly, family oriented groups, and barkadas are all welcome. Your home away from home,” mensahe ni Del Rio ngadto sa mga turista.
Bisan asa mahimutang, maka-proud gyud ang kalampusan sa atong isig ka Sugboanon. Tara suroy na ta!