Ang duha ka telecommunications companies sa nasod nakarehistro na og sobra sa 4 milyunes nga kinatibuk-ang subscribers sukad gisugdan ang subscriber identity module (SIM) card registration niadtong Disyembre 27, 2022.
Matud sa Globe, sa mga alas 4 sa hapon sa Miyerkules, Disyembre 28, pipila ka mga oras human nibalik online ang ilang platform human sa “fine-tuning ug optimization,” nitala na sila og 1.5 milyunes kapin sa SIM registrations.
“As of 4 p.m. of December 28, 2022, a total of 1,528,735 Globe and TM SIM users have completed their registration,” matud sa ilang pamahayag nga gipadala sa Superbalita Cebu.
“Our SIM registration platform is back up and running, and we’re happy to report that our customers are logging in to register. We shall continue to closely monitor the site’s performance using the 72-hour window from December 27 to check the stability and full optimization of the system,” matud ni Yoly Crisanto, Globe Group Chief Sustainability and Corporate Communications Officer.
Iyang gipasalamatan ang ilang mga kustomer sa pagsabot samtang ilang gilihok ang mga isyu kalabot sa ilang platform.
“We would like to thank our customers for their understanding as we address issues on our platform. We also would like to reassure them that there is enough time to register,” dugang niya.
Ang Smart Communications nakatala na og 2,633, 843 ka subscribers nga malampusong nakaparehistro hangtod sa mga alas 2 sa hapon sa Huwebes, Disyembre 29, 2022.
Niini, 2,383,689 ang prepaid samtang 250,154 ang postpaid.
“Our postpaid subscribers were able to receive their registration confirmation within 2 minutes. Some of our prepaid subscribers, meanwhile, may have experienced initial difficulties in accessing our portal and in completing the registration process due to the heavy volume of registration traffic throughout the day,” matud ni Atty. Kenneth Regañon, Smart regulatory affairs senior manager sa iyang report ngadto sa National Telecommunications Commission (NTC).
“As early as 3 am, subscribers were already trying to register and access our portal. To address this surge, we immediately increased the capacity of our portal, without going offline, enabling the registration of more subscribers,” dugang niya.
Ang duha ka mga telco giant niangkon nga dunay pipila ka mga problemang ningtumaw sa sayong pagpatuman sa bag-ong systems, apan ila kining gihimoan og lakang aron malikayan ang mga suliran sa umaabot.
Sa Globe, pagparehistro sa https://new.globe.com.ph/simreg.
Sa Smart, adto sa smart.com.ph/simreg.
Alang sa Smart postpaid, text og YES sa 5858 alang sa pagkompirmar sa registration.