Human sa 72 ka oras nga obserbasyon, ang SIM registration portal sa Globe, new.globe.com.ph/simreg, hingpit na nga na-optimize ug stable. Ang mga kustomer mahimong magpadayon sa pagplano ug pag-iskedyul sa ilang pagparehistro.
“We took the last 72 hours to observe fixes we made on our SIM registration portal, and it has held stable after full optimization. We would like to thank our 87.9 million customers for their continued understanding as we had to adjust our system,” matod ni Globe Chief Commercial Officer Issa Guevarra-Cabreira.
Hangtud ala 1 sa hapon sa Biyernes, Disyembre 30, ang Globe naka-log og kapin sa 3.9 milyunes ka mga registered SIM sa portal niini.
“We are encouraged by the numbers we see as we go into the New Year. It’s a great way to start 2023, as millions of our customers abide by the law and log on to our portal to register,” dugang ni Guevarra-Cabreira.
Ang Globe mipasalig sa ilang mga kustomer nga adunay igong panahon sa pagparehistro.
Ang tanang Globe Prepaid, TM, Globe At Home Prepaid WiFi, Globe Mobile WiFi ug Globe Business prepaid nga mga kustomer adunay hangtod Abril 26, 2023 aron makaparehistro.
Ang bag-ong Globe SIM users mahimong magparehistro dayon sa ilang mga SIM aron makasugod sa pagpahimulos sa tawag, text ug data services sa Globe.
Alang sa kasamtangang Globe Postpaid, Globe Platinum, Globe LTE@Home ug Globe Business Postpaid nga mga kustomer, ang data sa kustomer ug impormasyon kay gikonsiderar nga nalakip sa plataporma. Ang Globe makig-alayon sa maong mga kustomer aron kumpirmahon ug makompleto ang ilang mga detalye sa pagparehistro aron mahiuyon kini sa gikinahanglan sa balaod.
Ang pagparehistro pinaagi sa Globe One app magsugod sa Enero 2023, samtang ang on-site assisted registration magsugod sa Pebrero 2023 alang sa mga kustomer sa Globe nga nag-atubang og mga hagit gamit ang digital o online platforms, gamit ang feature o basic phones, o walay internet access.
Para masayod og dugang bahin sa pagrehistro sa SIM, mahimong tan-awon kining page www.globe.com.ph/help/sim-registration-act. (gikan sa PR)