Ang Cebu Pacific ug Junior People Management Association of the Philippines (JPMAP), usa ka nasudnong organisasyon sa kabatan-onan, dungan nga nipasiugda og gift-giving program diin nanghatag og pagkaon, sanitary supplies, tambal, ug cash donation sa San Lorenzo Ruiz Home for the Elderly sa dakbayan sa Pasay.
Kapin sa 40 ka mga residente nga nag-edad og 63 hangtod 103 anyos ang ningtambong sa programa sa paghatag-regalo. Gawas sa donasyon, ang programa naglakip sa mga dula, pasundayag, mainitong pagtimbaya ug mensahe, ug mga pabugnaw, nga naghimo niini nga usa ka makalingaw ug malipayon nga pagsaulog sa Pasko alang sa mga tigulang.
Adunay daghang tigulang nga gibiyaan o wala mahatagan og igong pag-atiman ug suporta. Sa panimalay sa mga tigulang nga gi-operate sa The Little Sisters of the Poor nga nahimutang sa dakbayan sa Pasay, gihatagan sila og respeto, dignidad, ug pag-atiman sa mga madre nga naghatag kanila og pagkaon, tambal, ug uban pang personal nga panginahanglan, pinaagi sa tabang sa mga donasyon.
“The pandemic has brought many challenges to everyJuan, most especially to vulnerable communities such as the abandoned elderly. Our employees wanted to share their blessings, love, and joy this Christmas,” matud ni Carmina Romero, Cebu Pacific Director for Corporate Communications.
Ang mga empleyado sa Cebu Pacific nakatigom og P159,000 ug midonar sa kantidad ngadto sa balay. Ang CEB nakig-alayon usab sa sponsors sama sa Universal Robina Corp. aron manghatag og snacks, Unilab sa paghatag og bitamina ug health essentials, Bayan ni Juan Movement alang sa mga sako sa bugas ug pagkaon, ug Unitrade Merchandise Inc. para sa adult diapers.
“It was a fulfilling and memorable event for all of us that we’ll forever cherish and use as motivation for our future events. Seeing the genuine smiles of our dear lolos and lolas made all our efforts worth it and triggered the flame inside of us to do even better to help more in the future,” matud ni Cherel Iglesias, chairperson for CSR sa JPMAP-National.
Ang San Lorenzo Ruiz Home for the Elderly nagpasalamat sa tabang ug pag-atiman nga gihatag sa mga donor sa mga residente.
“We appreciate everyone for their efforts. We are encouraging people to help, volunteer, and give monetary donations, which will be a great help in paying our electricity bills,” matud ni Sister Edwina, Sister in charge sa Outreach. (PR)