Nanawagan si Department of the Interior and Local Government (DILG) Secretary Benhur Abalos Jr. sa Miyerkules, Enero 4, 2023, sa tanang police colonels ug heneral nga mosumiter og courtesy resignation isip kabahin sa pakigbatok sa gobiyerno batok sa ilegal nga drugas.
Sa press conference sa Camp Crame sa Quezon City, si Abalos niingon nga human sa pipila ka buwan nga pagtuon sa problema sa nasud sa ilegal nga drugas, makita nga mas dako ang problema sa organisasyon sa kapulisan, diin lakip sa mga ahensya sa gobyerno ang nag-una sa pagsulbad sa drugas.
“Nakakabigla na malalim na ang impeksyon dito sa kapulisan... Ano ang sinasabi ko mga kababayan? Mahirap lumaban sa giyera na ultimo ang dapat kakampi mo ang babaril sayo. Kinakailangan linisin natin ang hanay natin,” matud ni Abalos.
“Pagkatapos naming pag-aralan ng ilang buwan ang problema natin, lumalabas na na malaki ang problema dito sa kapulisan. Lumalabas na meron mga generals, merong mga coronel na sangkot sa droga at ayon sa recommendation ng chief PNP at ng ilang kapulisan, ako ay nananawagan sa lahat ng full colonel hanggang sa general, ako ay umaapela na magsubmit ng courtesy resignation. Alam kong mabibigla kayo pero this is the only way to make a fresh start,” dugang niya.
Matud ni Abalos nga duna silay giila nga mga police officials nga nagkupot og “critical positions” apan nalambigit sa illegal drug trade.
Sumala niya nga resulta kini sa imbestigasyon nunot sa pagkasikop ni Police Master Sergeant Rodolfo Mayo Jr., sakop sa Special Operations Unit sa PNP Drug Enforcement Group sa National Capital Region, sa Quiapo, Manila niadtong Oktubre 9, 2022.
Ang operasyon naggumikan sa pagkasikop sa usa ka drug suspect nga giilang si Ney Saligumba Atadero atol sa buy-bust sa Tondo, Manila niadtong Oktubre 8.
Nakuha gikan kang Atadero ang kapin sa 990 ka kilo nga shabu nga gibanabanang mobalor og P6.7 bilyunes.
Si Atadero nibutyag sa kapulisan nga mas daghang ilegal nga drugas ang makit-an sulod sa buhatan sa lending company, ang Wealth and Personal Development Lending Inc., sa Sta. Cruz nga gipanag-iya ni Mayo.
Nakuha sulod sa maong buhatan ang duha ka kilong shabu nga gibanabanang mobalor og P13.6 milyones.
“Marami tayong kapulisan na talagang andun lumalaban. Nakita ko kung paano magtrabaho sa bansa, binubuwis ang sariling buhay alang alang sa droga pero paano ka lalaban kung binubuwis mo ang buhay mo at ang mismong boss mo pala ang kalaban mo. Mabigat po ito. Mabigat itong gagawin natin, it is a very radical approach to this problem but I do believe we must cleanse our ranks,” pasabot ni Abalos.
Si Abalos nagkanayon nga iyang nakita ang paghimo sa apela nga mas sayon nga paagi aron makatangtang ang PNP gikan sa masalaypon nga mga personahe, imbes nga modangop sa legal nga mga remedyo nga magkinahanglan og mas taas nga time frame bisan kon ang mga sad-an natumbok na.
Duyang niya nga magtukod siya og five-man committee nga moagi sa mga rekord ug mag-evaluate sa mga resignation alang sa rekomendasyon ngadto kang Presidente Ferdinand “Bongbong” Marcos Jr.
“Actually, ganito naman yan eh, it’s just a courtesy resignation. Hangga’t hindi tinatanggap, nandiyan ka you see. So tuloy-tuloy pa rin. Only those resignations that would be accepted by the President,” pulong ni Abalos. (SunStar Philippines)