Pacquiao, Crawford posibleng mag-away

Nagtuo ang beteranong Filipino boxing analyst nga si Ed Tolentino nga mahitabo ning tuig 2023 ang world title showdown tali nila ni Filipino boxing legend Manny Pacquiao ug World Boxing Organization (WBO) welterweight champion American Terence Crawford.

Si Pacquiao, 44, niretiro niadtong 2021 human sa iyang unanimous decision nga kapildihan batok kang Cuban Yordenis Ugas.

Nibalik pag-away ang 8-division world champion sa niaging buwan diin yano niyang gilupig si Korean martial artist ug YouTuber DK Yoo sa usa ka six-round exhibition bout sa South Korea.

“I really think Manny Pacquiao is coming back in 2023. We saw his excitement against DK Yoo in South Korea when he was being introduced and making the ring walk. He was very happy with the attention,” matod ni Tolentino sa interbyu sa Sparring Sessions nga napatik sa www.gmanews.tv.

“When he said that he wants to fight Terence Crawford and Errol Spence, that is a good title to a story, but at 44 years old, relatively inactive, and there is nothing more to achieve—that to me is a dangerous fight.”

Si Crawford, 35, adunay 39-0, 30KOs nga rekord.

Gipasabot ni Tolentino nga sa iyang tan-aw, dili kuntento si Pacquiao nga moaway og exhibition bout ug gusto kining mohamag og malisod nga tahas taliwala sa pangidaron niini.

“If he goes to fight Crawford, he will get good money but will it be worth the punishment that he may absorb? What I fear is that Crawford might make the fight,” dugang ni Tolentino.