Gipangulohan ni Lapu-Lapu City Mayor Junard “Ahong” Chan ang Blue Team sa pagsakmit sa overall title sa Lapu-Lapu City Tennis Club (LCTC) 1st Inter-Color Lawn Tennis Tournament nga nahuman ning bag-uhay lang.
Si Chan nakighinampakay sa C+ category diin kauban niya sila si Jojo Rosales, Pacifico Espinosa, Jun Clarito, Boy Malingin, Richard Versaga, ug Warly Miaga.
Nagkanayon si Chan nga tungod sa kalampusan sa torneyo, nga gipasiugdahan sa LCTC, hayan ipahigayon kini nila lukop tuig.
“Whole year round na ni natong ipahigayon nga tournament. Seguro six times a year,” matod ni Chan.
Gipasabot ni Chan nga ang paugnat sa kusog makatabang alang sa himsog nga panglawas ug makapalig-on sa immune system.
“Especially karon nga naa pa ang pandemic, kinahanglan nga healthy ta. Kon healthy ta, lig-on ang atong immune system,” dugang ni Chan.
Ang ubang mga sakop sa Blue Team mao sila si Kentoy Tuñacao, Yoyon Calooy, ug Nei Limpangog sa B+ category, Andrei Calooy, Abragan Cedric, Malit Barrio, Mikel Petalcorin, ug Denden Ybañez sa B- category, Norman Pesudas, Jay Cagang, Alfir Q., Rey Cortes, Alan Alarde, Bebot Rambis, Mario Rizon Jr., Ronald Ambray, ug Felix Amores sa C category.
Naa sab sila si Tony Berdon, Glen King, Ramir Roma, Robert Pecore sa C- category, Boy Dequito, Sati Sanchez, AJ Lopez, Atty. Quiñahan, Caloy Calooy, Ramon Melecio, Nonie Q. sa Senior C category, Cong. Cindi Chan, Carla Calooy, Aileen Q., Joy Lumongsod, Agnes Sumalino, Tata Maluya, Connie Salcedo, Doc Lecille, Becca sundo sa Ladies C+.