Imbes sa PH, Ancajas sa US moaway

Malangan pa ang comeback fight ni Jerwin Ancajas sa Pilipinas gumikan kay nakadesisyon si MP Promotions President Sean Gibbons nga paawayon una ang kanhi world champion sa United States, taho sa www.gmanews.tv.

Si Ancajas, kinsa adunay 33-3-2, 22KOs nga rekord, nakatakda untang makigharong ni Thai Songsaeng Phoyaem karong Pebrero 12, 2023 sa Imus Sports Complex sa Cavite.

Apan matod ni Gibbons kasamtangan siyang naglihok aron makaaway pagbalik sa Amerika si Ancajas, kinsa pabalikon niya sa Las Vegas aron mag-training. / ESL