Ang hepe sa Philippine National Police (PNP) nga si Rodolfo Azurin Jr., nihatag sa iyang courtesy resignation alang sa serbisyo nunot sa panawagan ni Department of the Interior and Local Government (DILG) Secretary Benhur Abalos Jr. nga sila mismo imbestigahon sa posibleng kalambigitan sa ilegal nga drugas.
Sa press conference niadtong Huwebes, Enero 5, 2023, si Azurin niingon nga si PNP deputy chief for administration Lieutenant General Rhodel Sermonia, PNP deputy chief for operations Lieutenant General Benjamin Santos Jr. ug Chief of the Directorial Staff (TCDS) Major General Michael John Dubria, ug uban pa, nag-file usab sa ilang courtesy resignation.
Matud ni Azurin nga hugot niyang gisuportahan ang tuyo ni Abalos nga limpyohan ang hut-ong sa PNP gikan sa mga kahiwian, ilabi na nga apil sila sa mga ahensya nga nangulo sa pagpakigbatok sa ilegal nga drugas sa nasud.
“This call of SILG (secretary of the interior and local government) is a test of individual character. And as an answer, I am taking the lead to submit myself to such evaluation, assessment and scrutiny by the committee. We, in the uniformed service, are trained and prepared and are expected to prioritize public service over personal interests. Similarly, I support and uphold the guidance of our beloved President Ferdinand R. Marcos to every policeman to keep our integrity untainted and to do our best to uphold the moral ascendancy of the PNP and to ensure the continuity of public rapport,” siya nagkanayon.
“Pati si DG IAS (Director General of the PNP Internal Affairs Service Alfegar Triambulo) will be submitting also. Ibig sabihin, doon mo mararamdaman na ‘yung mga senior officers, yung mga generals they are willing to be subjected to assessment kasi paulit-ulit nalang na akusasyon sa hanay naming and this has to stop once and for all,” dugang ni Azurin.
Matud ni Azurin nga nakuha na usab niya ang pasalig sa ubang mga opisyal nga dunay ranggo sa PNP nga tumanon ang pag-apelar sa interior secretary, nga nipasabot kanila nga ang gihusay mao ang organisasyon nga balikbalik nga nahugawan sa mga alegasyon ug dili lang sila isip usa ka tawo o usa ka pulis.
Kaniadtong Miyerkules, si Abalos niapelar sa tanang full-pledged police colonels ug generals nga mosumiter sa ilang courtesy resignation, tungod kay adunay “infection” sulod sa organisasyon ilabi na sa pagkalambigit sa pipila sa illegal drugs trade.
Matud ni Azurin nga usa ka five-man committee ang mo-evaluate sa maong mga police official sa posibleng pagkalambigit niini sa ilegal nga drugas, nga maoy nag-unang basehan sa ilang rekomendasyon ngadto sa Presidente kon dawaton ba o dili ang ilang resignation.
Matud niya nga samtang ang uban, ilabina sa ilang hut-ong, tingali maghunahuna nga ang “radical move” ni Abalos makapaluya ug dili makiangayon ilabina sa mga limpyo, kini usa usab ka paagi aron mapamatud-an ang ilang kaugalingon, nga ang ilang organisasyon kasaligan ug nga sila dili motugot sa masalaypong mga pulis.
Matud ni Azurin nga sa 956 ka mga koronel ug heneral sa PNP, “ubos sa 10” ang “naa sa listahan” tungod sa giingong pagkalambigit nila sa ilegal nga kalihokan tungod sa giingong kalambigitan nila sa operasyon sa ilegal nga drugas. Nagdumili siya sa paghingalan kanila.
Matud niya nga nakig-estorya na siya kanila ug gihagit sila nga mosumiter sa ilang kaugalingon sa imbestigasyon.
Si Azurin niingon nga ang mga koronel ug heneral adunay hangtod sa Enero 31 sa pag-file sa ilang courtesy resignation.
Kon kining ubos sa 10 ka mga opisyal sa kapulisan dili mosumiter sa ilang courtesy resignation, si Azurin miingon nga “we will cross the bridge when we get there.”
Matud sa kinatas-ang police official nga andam ang PNP nga ipagawas ang mga ngalan sa mga vindicated police official. (TPM sa SunStar Philippines)