Duna pay 17.4M nga dose sa bakuna sa Covid-19

MILYUNES PA: Di angay mabalaka ang nasod kay matod sa Dept. of Health (DOH) nga duna pay 17 milyunes kapin nga mga bakuna nga nahabilin. / file
MILYUNES PA: Di angay mabalaka ang nasod kay matod sa Dept. of Health (DOH) nga duna pay 17 milyunes kapin nga mga bakuna nga nahabilin. / file

Bisan kon ang nasud wa nay katakos sa pagpalit sa mga bakuna sa coronavirus disease (Covid-19) gamit ang emergency use authorization (EUA), ang Department of Health (DOH) sa Biyernes, Enero 6, 2023, nipasalig nga adunay igo nga doses nga ikadapat alang sa mga Filipino.

Sa press briefing, si Health Undersecretary Maria Rosario Vergeire niingon nga aduna pay kapin sa 17 milyunes ka doses nga anaa sa bodega sa DOH.

“We still have enough supply of vaccines in our warehouse. We have a total of 17,488,050 in our warehouse,” matod ni Vergeire.

“We just like to ensure the Filipino people that we still have sufficient stock of vaccines to provide, specifically for our eligible population,” siya nidugang.

Si Vergeire, hinuon, nipasabot nga ang stockpile naglakip sa 6 milyunes ubos sa quarantine samtang naghulat nga madugangan ang ilang shelf life.

Matod niya nga aduna usay gitakdang ma-expire sa una o ikaduhang quarter sa tuig.

Ang deklarasyon sa state of calamity tungod sa Covid-19 pandemic natapos na kaniadtong Disyembre 31, 2022.

Sa pagka-expire niini, ang DOH dili na makapalit og mga bakuna sa Covid-19 nga naisyu nga EUA.

Sa higayon nga gikinahanglan ang dugang doses, si Vergeire niingon nga makapalit gihapon sila pinaagi sa regular nga procurement system sa gobyerno.

“In the event that the State of Calamity lapses, the DOH now goes through the usual mode of procurement for vaccines,” matod niya.

“We have a provision in Republic Act No. 9184 that we can engage in negotiated procurement,” dugang ni Vergeire.

Ang mga bakuna sa Covid-19 nga magamit sa nasud mao ang Pfizer, AstraZeneca, Sinovac, Sputnik V/Sputnik Light, Janssen, Moderna, ug Sinopharm. (HDT sa SunStar Philippines)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph