Gisubli ni Presidente Ferdinand “Bongbong” Marcos Jr. niadtong Lunes, Enero 9, 2023, ang pasalig sa iyang administrasyon sa pagpatuman sa dagkong mga proyekto sa imprastraktura, nga nagtimaan sa mahinungdanong papel niini sa pagpalambo sa ekonomiya ug pagmugna og trabaho.
Gipangulohan ni Marcos ang paglusad sa Metro Manila Subway Project (MMSP) Tunnel Boring Machine (TBM) sa Valenzuela City. Ang kalihukan gitambongan sa mga opisyal sa transportasyon, mga opisyal sa lokal nga gobyerno ug Matsuda Kenichi, Ministro ug Deputy Chief of Mission sa Embahada sa Japan sa Pilipinas.
“We will continue to invest and improve on our transportation systems as well as pursue more projects in the years to come, so that Filipinos can gain greater access to places of work, commerce, recreation and other vital areas,” matud ni Marcos sa iyang pagpamulong.
“Having an effective and efficient transportation system will have multiplier effects on employment, the economy, and our society; it will also bring comfort, convenience, and an easier life for all,” siya nidugang.
Gipahalipayan ug gipasalamatan ni Marcos ang Department of Transportation (DOTr), ang mga pribadong kauban niini ug ang mga nagtrabaho alang sa katumanan sa unang subway system project sa nasud.
Gipadayag usab niya ang iyang pasalamat sa gobyerno sa Japan ug sa Japan International Cooperation Agency (Jica) sa pagka-aktibong partner sa Pilipinas sa pagtuman sa mga programa sa imprastraktura niini.
Si Marcos niingon nga ang tunnel boring machine nagpasiugda sa kahanas sa Japan sa teknolohiya ug nag-una nga mga kontribusyon sa modernong kalibutan, samtang siya nagpahayag sa pagsalig nga they will help us shape our railway infrastructure and keep them at par with the highest international standards.”
Sa iyang bahin, si Kenichi miingon nga ang kalihukan nagtimaan sa paglusad isip “bag-ong kaadlawon” alang sa istorya sa transportasyon sa Pilipinas.
Gipasidunggan sa opisyal sa Japan si anhing Presidente Ferdinand Marcos Sr. sa pagsugod sa proyekto kaniadto.
“The plan was first initiated during the time of the late President Marcos Sr. Decades later, it can be considered a legacy that is now in the hands of His Excellency President Marcos Jr. to fulfill,” matud ni Kenichi.
“Today’s launching ceremony is such a good indicator that our infrastructure cooperation is gaining much momentum under President Marcos administration’s Build, Better, More policy,” dugang niya.
Matud ni Kenichi nga ang proyekto dili lang makita nga makapaluag sa kahuot sa trapiko kondili sa carbon dioxide emission sa Metro Manila ug sa ingon makaayo sa panglawas sa daghang pasahero.
Gipasalig niya nga ang gobyerno sa Japan magpadayon sa pagtinabangay niini nga flagship nga proyekto sa usa ka full-speed-ahead nga paagi hangtod sa panahon nga ang mga Pilipino, sa katapusan, makatagamtam sa kasayon sa subway.
Ang DOTr sa sayo pa niingon nga ang proyekto gilauman nga magamit sa 2028.
Ang subway system, nga modagan gikan sa Valenzuela paingon sa Bicutan, gipaabot nga mopamenos sa naandang duha ka oras o kapin pa nga oras sa pagbiyahe gikan sa nahisgutang mga dapit ngadto na lang sa 45 minutos. (TPM sa SunStar Philippines)