USA ka opisyal sa Philippine Army hugot nga nanghimakak bahin sa planong destabilisasyon batok sa gobyerno nga naghitak pinaagi sa teks ug sa social media.
Si Captain Mark Anthony Tito, tigpamaba sa 10th Infantry Division, nagbutyag nga ang hungihong nga destabilisasyon nahitabo human ang pulis nideklara og "red alert" human gipanawagan nga mosumita sa ilang courtesy resignation sa Department of the Interior and Local Government tungod sa ilang gialegar nga kalambigitan sa ilegal nga druga.
Iyang gihimakak ang hunginhong ug nagklaro nga ang militar usa ka propesyonal nga organisasyon ug motuman sa sa "chain of command" padulong na ngadto sa chief of staff sa Armed Forces of the Philippines ubos ni General Andres Castor Centino ug sa Presidente sa nasud isip commander-in-chief.
Gipasalig ni Tito nga ang "morale" sa tropa taas kaayo ug nakatutok sa mando sa pagprotekta sa katawhan.
"Kung mangutana mo kung diin gikan ang sulti-sulti nga destabilization, wala mi kasayuran. Dili ni tinuod ug nagasuporta kami sa among liderato. Our loyalty is to the Philippine Flag, the Philippine Constitution and whoever the install as leaders of the country, we will support them. We are united with the AFP, the Philippine Army in supporting the leadership," pasalig sa tigpamaba.
Subling giklaro ni Tito nga ang "morale" sa tropa wala matandog tungod kay ang hungihong di tinuod.
Matud niya nga way usa nakitang nanguna nga nilusad sa wa masubay sa balaod nga kalihukan samtang ang tropa sa 10th ID pulos ukopado sa pagprotekta sa katawhan.
Gipahimug-atan sab ni Tito nga bisan si Major General Nolasco Mempin, commander sa 10th ID niaghat sa tropa nga di mawani sa ilang panan-aw sa pagpreserba sa kalinaw ug pagprotekta sa katawhan sa ilang area of responsibility.
"The 10th Infantry Aguila Division is a professional organization and follows lawful order only," pasalig niya. (PIA)