BISAN sa pagbundak sa kusog nga ulan, wala kini makapugong sa street dancing competition sa Halad Festival sa lungsod sa Midsayap, Cotabato Province gabii niadtong Sabado, Enero 14, 2023.
Ang street dancing o Indakan sa kadalanan maoy usa sa mga kinauyokan sa kapiyestahan sa patron nga si Sto. Niño sa lungsod.
Gilusad kini isip pasalamat sa grasya nga nadawat sa katawhan sa Midsayap nga bisan sa hagit sa pandemya, mibangon alang sa kalamboan, panaghiusa ug tinuod nga pagbag-o kon diin 30 ka mga partisipante ang misalmot sa street dancing competition.
Una nang niingon si Mayor Rolly "Ur the Man" Sacdalan nga "mas lig-on ang atong pagtuo kay sa ulan busa hinay-hinay nga mituang ang ulan ug malampusong natapos ang Halad Festival."
Dugang pamahayag sa mayor, "Sa mga mituo ug nisalig, daghang salamat!
"Sa mga magulang ng mga batang lumahok, malaki ang utang na loob ko sa inyo. Hindi biro ang ginawa ng inyong mga anak. Malayo ang nilakad nila at maulan. Pero wala sila nag-give up. They continued to fight, they wore their smiles, and believed in their strength and determination. I hope they will never forget this rich experience."
"Hindi man natin naidaos na perfect, maraming naman tayong natutunan. Walang pinipiling oras ang pagpapasalamat. Sa panahong malaki ang hamon, dapat mas matibay ang ating debosyon."
Si Cotabato Governor Emmylou Lala Taliño-Mendoza mitimbaya kang Mayor Sacdalan, lokal nga panggamhanan ug sa katawhan sa Midsayap sa malampusong Halad Festival.
Bisan og nag-ulan, nalingaw ang gobernadora ug nakig-selfie sa mga partisipante sa Halad Festival Pit Sr. Sto Nino.
Malinawon ug makahuluganon ang kasaulogan sa Halad Festival ilabi na sa mga midaug nga partisipante nga mipauli nga mapahiyumon.
Kadtong uban nga wala midaug, malipayon gihapon gumikan milampos ang ilang panaad.