Misulod sa top five sa Most Valuable Player (MVP) race si Joel Embiid sa Philadelphia 76ers apan wa kini makatandog sa pwesto ni Nikola Jokic sa Denver Nuggets.
Numero uno gihapon si Jokic sa MVP ladder nga gibuhat sa NBA.com dala ang stat line nga 24.9 puntos, 11 rebounds ug 9.7 assists. Impresibo pud ang 29-13 (win-lose) rekord sa Nuggets nga maoy best sa Western Conference. Gikan sa ikatulong pwesto misaka ngadto sa ikaduhang luna si Luka Doncic (34.3 ppg, 9.0 rpg, 8.8 apg).
Naa karon sa ikatulo nga pwesto si Jayson Tatum (30.6 ppg, 8.2 rpg, 4.2 apg) gisundan kini ni Milwaukee Bucks forward Giannis Antetokounmpo (31.0 ppg, 11.9 rpg, 5.3 apg) ug sa bag-o nasulod sa Top 5 nga si Joel Embiid (33.5 ppg, 9.9 rpg, 4.4 apg). (RSC)