Palma: Sugbo mas milig-on tungod ni Señor Sto. Niño

BATA: Si Cebu Archbishop Jose Palma nipaamin sa bata nga gisul-oban og sama sa sinina ni Sr. Sto. Niño atol sa seaborne procession niadtong Sabado, Enero 14, 2023. (Hulagway kuha ni Sammy Navaja)
BATA: Si Cebu Archbishop Jose Palma nipaamin sa bata nga gisul-oban og sama sa sinina ni Sr. Sto. Niño atol sa seaborne procession niadtong Sabado, Enero 14, 2023. (Hulagway kuha ni Sammy Navaja)

Bisan sa unsang babag nga naagian sa Sugbo sukad sa coronavirus disease (Covid-19) pandemic, nakasagubang ug nakapahimo kini sa isla ug mga Sugbuanon nga mas lig-on ug malaumon.

Kini ang gipaambit ni Cebu Archbishop Jose Palma atol sa iyang wali sa Pontifical Mass sa “Fiesta Señor” sa Basilica Minore del Sto. Niño sa Dominggo sa buntag, Enero 15, 2023.

Nahinumdom si Palma kon giunsa pag-survive sa Sugbo sa pandemiya, super typhoon Odette niadtong Disyembre 16, 2021 ug ang linog sa 2013.

Iyang gitumbok nga ang mga Sugbuanon naghuwat og mga tulo ka tuig aron mapadayon ang kalihokan sa Fiesta Señor ug Sinulog Festival.

“Daghan na pud mi sa Ginoo human sa tulo ka tuig nga pagdumili sa pagtigom tungod sa Covid-19. Karon, laing misa ang gihimo sa among Basilica ug sa among Pilgrim Center,” matud ni Palma.

“Oktubre 15, 2013, dili na nato mahinumdoman kining kampanaryo sa Basilica tungod sa linog nga nahugno... Apan makaingon ta nga Señor Sto. Niño, tuburan sa kalipay, tuburan sa paglaom sa mga pagsulay, tan-awa mi karon., we survived,” dugang ni Palma.

Gipahinumdoman usab niya ang mga matuohon nga dili moundang sa mga pagsulay ug padayon nga lig-onon ang ilang pagtuo aron makab-ot ang kalinaw sa kinabuhi maoy dugokan sa kasaulogan.

Samtang, obserbasyon base sa nangaging coverage sa Superbalita Cebu, mas daghang deboto ang nanimba sa Basilica Minore del Sto. Niño de Cebu kon itande sa pre-pandemic nga Sinulog. (HIC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph