Mga tinun-an ug faculty members sa University of the Philippines (UP) Cebu Campus nipadayag sa ilang pagsupak sa gisugyot nga ordinansahon nga mag-require sa mga tunghaan ug unibersidad nga mosumiter og kalendaryo sa mga kalihukan ngadto sa Cebu City Police Office (CCPO).
Usa ka public hearing ang gihimo niadtong Miyerkules, Enero 18, 2023, sa session hall sa City Council aron tukion ang ordinansahon ni Konsehal Jose Abellanosa nga giisip sa student council ug faculty organization nga usa ka “threat to academic freedom.”
Si Noe Santillan, vice president for faculty sa academic employees union, niingon nga mas daghan pang mga academic institution ang mopresentar sa ilang position paper batok sa ordinansa sa umaabot nga mga adlaw.
Nangatarungan si Santillan nga ang gisugyot nga ordinansa usa usab ka pagsulay sa pagpugong sa kagawasan sa akademiko sa mga institusyon sa pagkat-on nga nabutang sa 1987 Constitution sa Pilipinas.
Ang “Anti-Violence and School Safety Ordinance of Cebu City” ni Abellanosa magmando sa mga tunghaan ug unibersidad sa pagsumiter og listahan sa mga kalihukan sa eskwelahan 15 ka adlaw sa dili pa magsugod ang matag school year.
Ang konsehal nagkanayon nga ang ordinansahon magsilbi nga himan aron mapugngan ang kagubot sulod sa mga learning institution susama sa nahitabo sa De La Salle University sa Manila niadtong Hulyo 2022 diin nahitabo ang shooting incident ug mikalas sa kinabuhi sa tulo ka indibidwal.
“We don’t have this capacity to predict or foresee every and every unfortunate event that need our attention and action,” matud ni Abellanosa.
Apan ang mga tinun-an ug magtutudlo wala makakita niini nga ingon niana, si UP Cebu Student Council President Crystal Cimafranca niingon nga supak sila sa ordinansahon sanglit nasinati na ang mga “atake” gikan sa pwersa sa estado sa UP Cebu grounds.
“Ang dili gusto ug wala gipahibalo nga presensya sa mga pwersa sa estado sa hingpit nga gamit nakapahinabog mental ug emosyonal nga kalisud sa mga estudyante ug faculties ug gipailalom sa mga sikolohikal nga sesyon,” ingon ni Cimafranca.