DAGHAN gayod ang nangandoy makakuha og scholarship sa abroad, busa ania na ang inyong gipangita, gumikan ang Department of Science and Technology – Science Education Institute (DOST-SEI) subling nag-abli alang sa mga mo-apply sa scholarship.
Sa Facebook page sa Science Education Institute-Department of Science and Technology, gipahibalo nga abli na ang padawat sa aplikasyon alang sa scholarship sa nasud Taiwan.
Kini ilawom sa Foreign Graduate Scholarship program nga gihanyag sa DOST-SEI nga nagtumong sa paghatag og mga oportunidad sa mga talento ug dunay katakus nga mga estudyante sa pag-angkon sa ilang MS ug PhD degrees sa siyensya ug engineering sa mga inila nga institusyon sa gawas sa nasud.
Ang scholarship abli sa tanang Filipino citizen nga naa sa ilang unang lima ka tuig sa ilang research career ug nakab-ot ang eligibility requirements. Ang pinili nga mga iskolar makatagamtam sa mosunod nga mga pribilehiyo.
Ang mga prebilihiyo sama sa mga mosunod, School Fees, Book Allowance, Thesis / Dissertation allowance, Transportation Allowance - Restricted international one round-trip economy fare (sa pagsugod ug katapusan sa panahon sa Scholarship lamang), Pre-Departure Expenses (One-time only), Monthly Stipend / Living Allowance, Relocation Allowance, Health / Accident Insurance.
Duawa ang website nga DOST Foreign Grad Scholar alang sa dugang mga impormasyon ug puwede mo email sa fgs@sei.dost.gov.ph. Ang deadline sa pagsumite sa aplikasyon karong Abril 15, 2023. (Jeepy P. Compio/DOST-SEI)