Ang mga miyembro sa Catholic Bishops Conference of the Philippines (CBCP) gikatakdang mobalik na sa ilang panimalay sa Manila sa ilang pagpahigayon sa 125th Plenary Assembly sa Pope Pius XII Catholic Center gikan Enero 28 hangtod sa 30, 2023.
Human sa kapin sa duha ka tuig, sa unang higayon sukad sa pagsugod sa coronavirus (Covid-19) pandemic, ang mga obispo ug arsobispo sa Pilipinas gikatakdang magtapok sa tradisyonal nga venue sa Plenary Assembly sa National Capital Region (NCR).
“The January 28 to 30 gathering will bring together the members of the Catholic Bishops Conference of the Philippines for in-person meetings for the second time since the pandemic struck in early 2020,” sumala sa namantala sa CBCP News, official news agency sa CBCP.
Ang Plenary Assembly niadtong Hulyo 2022 nga gipahigayon sa Tagaytay City mao ang unang face-to-face meeting sa mga prelate sukad sa pandemic.
Sa wala pa kini, ang Enero 2021, Hulyo 2021, ug Enero 2022 nga plenaryo nga miting gihimo nga online.
Angay nga hinumdoman nga ang Plenary Assembly, nga mao ang labing taas nga tighimo og desisyon nga lawas sa CBCP, kaduha lamang sa usa ka tuig - sa Enero ug Hulyo.
Si CBCP Secretary General Msgr. Bernardo Pantin niingon nga sa agenda sa tigom mao ang halapad nga mga hisgutanan nga nakaapekto sa mga matuohon sa nasud.
Kini naglakip sa updated Ratio Nationalis, nga usa ka programa alang sa pagporma sa mga kandidato sa pagkapari; ang Praedicate Evangelium ug ang mga implikasyon niini sa lokal nga mga komperensya; ug ang sugyot alang sa Permanent Diaconate sa Pilipinas.
Matud usab niya nga ang tigum pagaunhan sa tulo ka adlaw nga seminar sa mga bishop.
Ang CBCP sa pagkakaron gilangkuban sa 88 ka aktibong obispo/arsobispo, duha ka diocesan priest-administrators, ug 38 ka honorary members/retired bishops.
Si CBCP President Bishop Pablo Virgilio David gikatakdang mangulo sa biannual meeting. (HDT / SunStar Philippines)