Bag-ong estratehiya sa Police Regional Office (PRO) 7 nahimong yawe sa epektibong kampanya batok sa illegal nga drugas.
Ang PRO 7 misaad nga ilang ipadayon ang kampanya batok sa illegal nga drugas ubos sa administrasyon ni President Ferdinand "Bongbong" Marcos Jr., lakip niini ang subsob nga pag-edukar sa mga batan-on.
Una nang nidasig ang hepe sa PRO 7 nga si Police Brigadier General Jerry Bearis sa iyang mga sakop nga ipadayon ang gubat batok sa illegal nga drugas pinaagi sa paghangop sa bag-ong pamaagi sama sa transparency ug accountability sa pakig-alayon ngadto sa local government units (LGUs) ug sa komunidad.
Aron makab-ot ang ka epektibo sa pwersa sa kapulisan sa Central Visayas.
Atol sa paglingkod ni Bearis isip hepe sa PRO-7, ang kapulisan nakalusad nag 492 ka anti-criminality operations nga miresulta sa pagkasikop sa 622 ka drug personalities dungan sa pagkasakmit sa 7,126.76 gramos nga gituohang shabu nga mobalor ang tanan sa P48,461,968.
Adunay 404.60 gramos nga marijuana ang nasakmit nga mokantidad nga P48,552 gikan sa Disyembre 19, 2022 hangtod Enero 20, 2023.
Matud ni Bearis, gitinguha nila ang kabag-ohan sa pagpatuman niini nga mao ang agresibong information drive ngadto sa mga batan-on diha sa kabarangayan ug sa mga tinun-an.
“Our anti-illegal drugs campaign adopts a whole-of-government approach, which would only be effective if we are able to carry out plans like local anti-drug plan of action and barangay anti-drug plan of action down at the grassroots. It is crucial that our LGUs collaborate with us and work on a common goal of an action-based anti-drug plan,” matud ni Bearis.
Ang maong bag-ong pamaagi nakuha ni Bearis sa pag-eskwela niini sa nasod sa Israel nga mao ang Israeli Diplomacy and National Security Learning diin ang nakat-onan niini sa gawas sa nasod, makatabang sa kapulisan sa Central Visayas pagbatok sa krimen ug pagpalambo pa sa professionalism ug transparency sa crime prevention ug law enforcement sa kapulisan.
Dugang ni Bearis nga ang usa sa bag-ong estratehiya nakatutok sa rehabilitation ug reintegration sa drug dependents.
Ang pakigbatok sa illegal nga drugas kinahanglan nga comprehensive, analytical, community-based ug sensitibo sa tawhanong katungod.
Ang PRO 7 strategy nakasunod kini sa Department of the Interior and Local Government o DILG’s BIDA kun Buhay ay Ingatan, Droga ay Ayawan Program ug ang MKK=K nga maoy programa usab sa PNP Chief, apil niini ang supply ug demand reduction.
Gihatag usab sa PRO 7 ang ilang tibuok nga suporta ngadto kang Cebu Governor Gwendolyn Garcia nga One Cebu Inter-Agency Task Force Against Illegal Drugs.
Nagtuo sila nga pinaagi sa pagbantay sa Central Visayas, ang supply sa illegal nga drugas moubos ngadto sa minimum level nga tungod niini labing epektibo ang pagsalmot sa lain-laing ahensya sa gobyerno.
Mahinungdanon usab ang community-based approached sa illegal nga drugas pinaagi sa abag sa mga LGU ug ubang ahensya sa gobyerno sanglit ang pagbatok sa illegal nga drugas concern kini sa tanan, dili lang sa kapulisan.
Ang pag-adopt sa maong mga estratehiya, nagtuo si Bearis nga maoy makapugong sa mga indibidwal ug komunidad sa pagsalmot sa pagpamaligya sa illegal nga drugas.
“This is everyone’s concern. The time has come that we decide to work together and see the big picture. Let us put our actions into one for a drug-free Central Visayas community working in partnership with a responsive community for a safer place to live, work and do business”, dugang ni Bearis.
Ang nasugdang mga programa sa PRO7 sa nanglabay nga katuigan nga nahimong epektibo, iya kining ipadayon ilabi na ang dungan nga anti-criminality and law enforcement operations sa tanang unit sa kapulisan sa Central Visayas. (AYB)