Gipaabot nga masugdan sa Marso ning tuiga ang pagtukod sa P24.8 bilyones nga Lapu-Lapu Expressway (LLEX) nga gitawag usab og skyway project.
Mao kini ang gisulti ni Lapu-Lapu City Vice Mayor Celedonio “Celsi” Sitoy sa SunStar Cebu niadtong Dominggo, Enero 22, 2023.
Si Mayor Junard “Ahong” Chan, sa iyang bahin, niingon nga kasamtangan silang nakigsabot sa mga residente nga maapektuhan sa pag-align sa skyway.
“Maong paningkamotan nato nga dili daghang residente ang maigo sa maong alignment,” matod ni Chan, samtang iyang gipasiugda nga hapsay ang proseso sa pagpatuman niini.
Ang LLEX magsumpay sa Cebu-Cordova Link Expressway (CCLEX) nga motapos sa Brgy. Gabi, Cordova ngadto sa Mactan-Cebu International Airport (MCIA) sa Lapu-Lapu City.
Tumong niini nga masulbad ang kahuot sa trapiko sa Isla sa Mactan, partikular na sa dakbayan sa Lapu-Lapu, kay target nila nga makaserbisyo og mga 50,000 ka sakyanan matag adlaw. Gilauman nga magamit kini sa 2025.
Kini usa ka upat ka lane, 12-kilometros nga toll road sa Mactan Island.
Si Julius “Jayjay” Neri Jr., general manager sa Mactan Cebu International Airport Authority (MCIAA), niingon nga gikinahanglan nila ang skyway aron mas paspas nga makaabot ang mga pasahero sa airport.
“Yes, we need a skyway badly. But I have not seen the detailed plans so I cannot comment on its impact while being constructed,” matud ni Neri.
Ang proyekto sa skyway nag-atubang sa grabe nga paglawig sa konseho sa lungsod niadtong 2021 nga adunay mga alegasyon sa politika nga gisagol, diin ang kadaghanan sa oposisyon nagpatunghag mga isyu sa deal.
Apan ang Lapu-Lapu City Government nga girepresentahan ni Chan ug LLEX Corp. president Manuel Gonzales Jr., nipirma og memorandum of agreement (MOA) atol sa Charter Day sa dakbayan sa Session Hall niadtong Hunyo 17 sa miaging tuig.
Ang pagpirma gihimo human giaprobahan sa City Council sa mass motion ang resolusyon nga tugotan si Chan nga mosulod sa joint venture agreement (JVA) tali sa kagamhanan sa siyudad ug LLEX Corp. nga gilangkuban sa Premium Megastructures Inc., Ulticon Builders Inc. ug MTD Philippines Inc. human sa tanang mga amendment. / MKG
Ang management board gilangkuban sa mosunod nga mga miyembro: lima gikan sa JV partner, tulo gikan sa City, ug usa ka independent member.
Hinuon si Sitoy niingon nga ang Office of the Mayor wala pa makahimo ug finalize kon kinsa ang mahimong kabahin sa management board sa skyway gikan sa City Government.
Una na nga ginpahayag ni Chan nga indi maggasto ang Siyudad para sa paghimo sang skyway project. (MKG)
